可憐嘅雪橇女女 ~~~ whisky

        whisky係一隻黑白雪橇女女,佢嘅身世好可憐,因為佢係一隻俾人遺棄係馬路旁邊嘅狗狗!發現佢嘅時候,佢身上有一條頸帶,頸帶上仲有佢主人嘅聯絡電話,我朋友唸住打俾佢主人通知佢接返隻狗狗,點知佢主人竟然話隻狗唔係佢嘅,仲話佢根本冇養狗.,之後就cut咗線!

        於是我朋友就決定自己收養whisky,但因為屋企問題,所以whisky祇可以住係車房,不過我朋友每日都會同whisky去散步,而且放假又會帶whisky返屋企!其實我朋友真係好想真真正正成為whisky主人,可惜whisky本身已經有晶片,我朋友本來唸住打俾佢前主人希望佢同意去辦轉名手續,可惜佢前主人故意唔聽電話,所以我朋友都唔知可以點做!

        不過啱啱收一個更唔開心嘅消息,就係whisky有咗bb,而且相信bb好快就會出世!講真,whisky爸好清楚知道佢冇能力去養埋whisky嘅bb,而且佢估計whisky生出嚟嘅應該唔會係純種雪橇,所以佢相信要搵人收養bb會有一定嘅難度!

        其實whisky爸有唸過真接帶whisky去漁記,希望可以幫whisky攪咗轉名手續先.但係佢擔心如果帶whisky去漁記嘅話,whisky可能永遠都冇機會再出返嚟,而且whisky嘅主人又失咗蹤,whisky爸而家真係好徬徨,唔知應該點做!

        我真係好嬲好嬲一d不負責任嘅主人,你哋知唔知你哋嘅自私行為,會害死狗狗???whisky嘅前主人,你嘅良心係唔係扔咗去太平洋???而家whisky攪到咁,你有冇少少少......過意唔去???如果你有緣睇到呢篇blog,唔該你高台貴手,俾whisky一條生路,快d同whisky爸攪咗whisky晶片嘅轉名手續!

佢就係whisky!!!

希望佢以後可以同whisky爸開開心心一齊生活!

相片提供 : 劉豆媽