行為&服從 (轉貼)

前幾日同朋友講開行為與服從, 兩者有什麼分別呢? 其實之前都冇諗過呢個問題, 總之要狗地聽我話就是了....我平時會留意狗地ge行為, 如何與我,其他人&狗相處.....

希望狗地唔會隨處大小便, 唔會亂吠, 唔搶繩, 唔撲人, 唔會越叫越走,唔會過渡活躍, 唔驚人, 唔驚狗, 唔咬人, 唔咬狗,  唔會有分離焦慮症.....咁應該點教呢? 教行為or服從呢? 我教緊乜野呢? 吉吉有惡狗問題, 一定要繼續教架喎.....不如講下依加點教吉吉啦.....

戶外運動, 係狗隻基本需要, 無論大狗,細狗都要出街消耗身力,如果基本需要都滿足唔到,點教呢?.....而且見到唔同人, 狗, 事物, 可以提高狗隻自信&社交能力, 一隻乜都驚ge狗, 會變得神經質,自然會有好多問題.....我都知每日放狗好辛苦, 有時要OT, 有飯局, 咁夜番黎, 想攤抖下, 所以只有木仔每日都落街, 吉吉1星期落5-6日, bebe1星期落3-4日.....所以話,真係養一隻起,兩隻止好喇 (尤其係好似beagle呢d咁活躍ge狗), 如果平日真係放唔到, weekend都要去郊遊玩樂呀.....

建立地位非常重要, 係教狗ge中心, 因為狗係群體動物, 以地位分階級, 要教好狗, 首先要建立地位, 喺屋企or喺街都好,要有主導權, 要做狗地ge leader, 唔可以過份溺愛, 唔可以打狗, 唔好同狗地講導理, 用方法使狗地理解你想佢點,如果狗地理解但係唔服從, 就一定要佢做.....例如吉吉跳上黎要我抱, 我會推走佢, 我叫佢過黎, 先會抱佢......吉吉明白我要佢番入籠, 但係唔肯番, 我會推佢入去, 入咗去再讚番佢.......掃地時吉吉要上sofa stay, 佢跳落地我會no佢, 要佢番上sofa,掃完地先奬佢......平時生活上好多細節都要留意呢......現在教狗ge方法主要有時間,環境(屋企, 街, 有人, 有狗), 正面 (e.g.讚賞, 食物, 玩具, 自由等),負面(e.g.飛樽,噴水壺, 拍打物件, chock chain, 震震帶, 電帶等), 當中ge時間掌握好重要, 要狗地理解你想佢點,唔想佢點, 養成良好習慣.....隨處大小便, 吠叫, 撲人等行為問題, 都可以利用正面,負面的方法糾正.......主人出門口前唔好同狗地byebye&眼神接觸,番屋企時亦唔好即刻摸狗地, 除了可以幫助建立地位, 亦可以防止分離焦慮症.....另外, 主人開餐先輪到狗地, 主人唔可以同狗地一齊訓覺亦有助建立地方, 不過我認為呢d都係次要, 我都好少喺屋企食飯, 而且見過有服從的狗狗, 也是和主人訓的, 當然先決條件係要主人ge地位鞏固啦

有了基礎, 就要進一步鞏固地位, 對指令ge反應要快, 要服從, 狗係講習慣性ge, 所以要每日練習.....點解我地位高過吉吉, 佢都仲有惡狗問題呢? 佢自細有兩個哥哥同佢玩, 4個月大已經落街同其他狗玩, 有正常社交啦, 我諗可能係佢本身性格強啦, 又可能有其他經歷, 被其他狗影響咗, 所以主人地位高唔代表狗隻冇行為問題, 最好係由細到大,多d留意狗地ge變化, 盡量避免啦, 但係如果問題已形成, 就要教......點教呢? 我諗方法都係離唔開時間,環境,正面,負面...... 高人話要喺佢想惡之前control番佢, 唔好比機會佢惡.....至于喺果個moment你控唔控制到隻狗呢, 隻狗聽唔聽你話呢, 就要睇下你地位有幾高, 狗地有幾服從喇......有d狗本身服從性較高, 可能主人建立地位, 狗地已經好乖巧, 我都見過好多, 亦好羡慕, 點解人地隻狗唔使點教, 叫佢come就會番黎架呢? 雖然可能要叫幾聲, 但係都come丫, 但係吉吉就彩我都傻,仲越叫越走.......茅計啦, 鬼叫我養ge係beagle咩, 唯有比心機教服從啦.....衣加倒番轉, 係佢地主人讚吉吉好聽我話呢.....

諗完一大輪自己點教狗, 教緊乜之后, 好明顯, 行為只係服從ge一部份, 地位與服從性係相對ge....其實都唔使諗咁多, 既然衣加ge方法有成效, 就繼續咁教啦, 我唔單止要一隻乖乖狗, 仲要聽我話架........

鞏固地位
     ^
     ^
建立地位
     ^
     ^
每日放狗


點解識得服從指令ge狗,都會咬主人? 我認為係個主人地位建立得唔夠好, 唔夠鞏固, 識得sit, down, stay, heel就等于服從? 吉吉4個月就識啦, 佢係識個指令, 唔係真正服從lor, 服從係好高層次架......呢d都係教咗吉吉1年ge見解.......可能N年后又有其他體會.......

資料來源 : http://hk.myblog.yahoo.com/woods-yogurt/article?mid=2450&suc=1