刷牙歌

        妹妹嘅牙仔一向都唔好,收養佢嘅時候佢已經因為牙周病剝剩四隻牙,所以我好緊張佢嘅牙仔問題!妹妹唔可以咬骨骨,所以刷牙係唯一可以幫妹妹清潔牙仔嘅方法!至於油油,除咗刷牙之外,我已經決定俾佢咬生骨,因為我唔想佢好似妹妹咁冇晒d牙仔!不過我應該買乜嘢骨骨俾油油咬好呢?佢應該由bb班開始,係唔係應該咬羊膝骨?

        呢支牛肉味牙膏,就係用嚟幫妹妹油油刷牙用.妹妹同油油都幾鐘意,妹妹一向都任我舞,唔會反抗,所以梳毛,刷牙都一樣冇難度!而油油呢?最開頭佢真係會同我對峙,想盡辦法逃走,不過而家已經好咗好多喇!希望keep係同佢哋刷牙加埋咬骨骨,可以令佢哋牙仔健康!

        另外仲有同妹妹油油噴呢隻petzlife草本噴霧,講真,我覺得噴咗之後妹妹油油嘅牙石問題都仲存在!不過老實講,我都冇期望噴幾吓就可以冇晒d千年牙石,如果真係咁work,我相信價錢一定好貴好貴!不過用咗之後妹妹油油嘅口臭問題真係改善咗好多,而且噴霧再加上刷牙,佢哋d牙仔真係乾淨咗!所以我覺得作為口腔清新劑嘅話,呢支噴霧都係一個幾好嘅選擇!