於地球中心宿宿營

一朝早要趕去入住奈羅比既國家公園酒店，因為酒店會限時限刻咁帶你去等動物。話等，係因為佢哋都唔會知啲動物走去邊度，不過途中我哋經過地球既中心 – 赤道。其實赤道冇一個特定地點，不過懂得搵遊客錢既肯亞人，已經「楝」左個寫住「equator」既牌，仲會示範俾你睇，啲水流喺南半球、北半球同埋喺赤道有咩分別。當然示範既最終目的都係錢，一位自稱Dr William既人兄話要賣張cert俾你，證明你黎過赤道，開價8蚊美金，當然唔會理佢，最後喺佢死「lur」而我哋又趕時間之下，就用3蚊美金買左一張。

多謝CONNIE幫我喺赤道影左張型仔相。

之後就向酒店出發。嚴格黎講唔可以話佢係一門酒店，因為每間房其實係一個帳幕。

帳幕後面係泳池…

前面就係一望無際既大草原，野生動物就係眼前(如果好彩見到佢哋經過既話)

我同ricky係同房，不過個tent入面就有3張床。其中一張就經預留左用黎夜晚同工作人員玩啤牌。