罪惡城

喺香港長大、感染了大部份香港人既惡習，就係冇半夜三、四點都唔想上床瞓，所以出埠做嘢，成日希望當地既食肆、商店唔好咁早閂門，唔係夜晚瞓唔著、悶到發霉都冇得落街逛吓，日本叫做好啲，起碼有啲舖頭、食肆都會開到半夜兩、三點，但係就算係日本，如果想凌晨四點、五點，突然忽發其想，想落街据扒、搵娛樂，都談何容易？除非係喺拉斯維加斯！我相信呢度係全世界唯一一個配叫做「天夜天」既地方，賭場、buffet食店真正開足24小時，到步嗰晚瞓唔著，凌晨4點落左去酒店賭場玩老虎機，5仙一局，10蚊美金足夠俾我hei到天光。

第二晚，就同攝制隊一齊出去拉斯維加斯大街最旺既一段、邊拍嘢、邊遊覽。由夜晚10點行到半夜四點，啲燈都仲係咁光，如果話你聽呢幾張相係喺凌晨時份影既，你信唔信呀？

不過喺咁多張相入面，自己就最鍾意呢張，好有電影Sin City feel！咦？Sin City乜唔就係拉斯維加斯既別號嗎？