我的09年7月份大事回顧 2

(7)27-28.07.2009澳門之旅

小良子話超好味既什雞米

今次我地住近新葡京既萬濠酒店....都唔錯架!!

之後就去永利睇表演

原來每逢半小時就會有表演一次架!!

呢個係金龍表演

再等多半小時就係吉祥樹表演

去到澳門一定要去大三巴睇番張相啦!!

呢個就係我導遊兼司機既Gary

難得一張後面完全冇人既大三巴相!!!

呢度又真係幾有葡國味道既!!

好開心可以去睇賽狗!!$10入場費

d狗隻隻都好似好惡咁既=.="

真係同賽馬一樣架喎.....不過呢度就好臭=.="

Gary哥忍唔住都落下注先....點知真係買中左....嬴左二百幾蚊!!

之後佢地兩公婆就帶我地去食魚煲

呢個魚煲又真係幾掂喎!!

炸子雞都好good架!!

食完咁熱氣既野...當然要去飲返杯涼茶啦....

呢間唔係普通既涼茶舖...你要同佢地講你有咩唔舒服....

佢地就會左溝右溝整一杯為你而設既涼茶....

如果你嚴重d....可能比兩杯你架....不過全部價錢一樣!!好抵唷~~

一日既行程完畢....之後我同小良子又去行下夜街先!!

第二朝一早起身就決定去食翅當早餐!!

澳門食翅真係超抵食....幾十蚊就有排翅食!!仲要超好味!!

細佛跳牆都係一百蚊有找!!真係好好好味!!

嘩.....真係啖啖翅架!!

之後當然要再去我最鍾意食既"魚湯粉"&"橄欖汁"啦!!好味到呢.......

之後我地就向氹仔出發啦.....

去到澳門一定要去食正宗葡撻啦....

真係好鬼正架!!!

不過我食左好多野....只可以食一個咋=.="

呢個就係安德魯先生啦^^喂!!你d葡撻真係好掂喎!!

安德魯餅店地址....唔影低根本唔會記得係咩街=.="

之後再去黑沙海灘....原來d沙真係黑色架!!!唔睇過真係唔知=.="

之後Gary哥又話呢檔燒雞翼好正....一定要去食下...又食=.="

不過對住個海灘一邊食雞翼又真係幾爽既^^

又同小良子來一張合照先....hehe

最後我地就去左新濠天地到睇飛龍表演....又係免費既!!

半小時一次....記得之前要去攞飛呀...因為好多人睇架!!

3D巨龍真係好正...一定要入場睇先感受到架!!

臨走前當然要去行下威尼斯人啦....不過最後我地都係迷路=.="

(8)29.07.2009 迪士尼之旅

迪士尼我已經去過三次啦....不過今次再去係因為睇史迪仔

太好彩啦....我地一入場就岩岩做花車巡遊...仲要有正面位置唔駛同人迫^^

不過佢地係咁噴水...搞到D人係咁用遮擋住...D遮係咁打我個頭=.="

唔知點解當日都冇史迪仔人物同我地影相既=.="

咁唯有同D史迪仔公仔影啦......無奈中=.="

果日真係超熱唷.....忍唔住要買番杯雪糕思樂冰先得^^

最後掛住影相趕唔切出去煙=.="比D職員欄住左要係中間度睇=.="

D煙花係我頭殼頂係咁爆=.="360度睇又幾得意喎^^

最後都買左D手信....之後就返屋企lu