真係可以好邪！

事過境遷，以後不再提起！

即使偶然會在夢中重現，但好耐都唔想講呢件事，亦唔會特別提起！但有時啲嘢，又真係咁！

早幾日去度假，職員竟然給了我這個房間，或者，對其他人而言，都係床一張，但對我而言，就嚇一嚇！咁邪？？「請問有冇其他房？」「冇喎，今日好爆呀！一係加錢轉房囉，你加唔加吖！」

５１２，你好嘢，我唔搞你你搞我！

咪以為度假好清閒，總有啲牛鬼蛇神會嚟煩下你，俾啲嘢你諗同做，只可惜，我都以為有能力處理的事，原來到最後郁都冇郁，攰到死死下！本來職員要我多留兩日，睇定啲至走，但老實講，今時今日，我冇錢又冇時間，都係快快走好過，我唔係富豪，燒銀紙我會死！而且，我同自己講過，我係唔會唔返學架！

度假前怕自己有乜依郁，所以決定做多少少嘢！今個星期訪問咗司徒法正師傅，有興趣可以上香港人網節目重溫聽返！

識咗師傅好多年，大家感情亦師亦友，或者，對好多人嚟講，關於佢做的未必完全認同，但當交往過後，就會發現佢真係一個仁心仁術的風水師。而事實上，曾經有一段日子，我唔識死，跟咗佢去搞搞陣，真係大開眼界！

今次訪問重叫埋我學生一心一齊嚟，大家真係俾啲意見呀！

下一集嘉賓係周永恆！內容重會講返佢當日被控藏毒件事，聽落都幾好笑！亦都希望借住佢經歷，話俾家陣啲年輕人知，「濫藥」你哋真係玩唔起！同我一齊主持節目，重有鬼咁多口水的阿穎，大家又俾啲意見啦！