W-inds Live Tour 2009 In HK

11月6日, 好開心, 呢晚同左阿基睇 w-inds 亞洲巡迴香港演唱會!

其實有得去睇w-inds concert 真係好突然! 呢日朝早阿基先打俾我, 叫我陪佢去睇 w-inds, 佢話免費請我去睇! 免費就梗係睇啦! 咪住! 點解有免費飛先?

哦, 原來w-inds D 飛滯銷!!! 真係冇陰功! 點會有D咁既事發生架! 而且係最貴果隻飛! 好似要1千3百幾蚊張架! 哎.......咁貴......我就唔捨得買喇~不過, 佢表姐響唱片公司做, 有內部飛, 不至於免費, 但都要俾錢, 一買要買兩張。

我問佢, 「咁即係幾錢啫?」

佢又唔肯講, 「總之好平啦!」

我就話, 「平極都要錢啦! 幾錢張啫?」

佢都係唔肯講! 哎......要佢請唔好意思麻! 之後佢話, 下次請佢食飯OK啦~

呵呵~就咁, 放工出發去睇w-inds~因為係內部飛, 所以冇價錢架!! VIP 區! 不過唔知D位靚唔靚既呢?! 話晒都係最貴果隻飛喎~ 

由地鐵站行去會展途中, 我負責影低今日行程! 哈哈~阿基背影~

於會展既宣傳版上, 有 w-inds poster, 成為一眾 fans 影相點之一!!

w-inds poster, 入場前, 每位 VIP 區既觀眾都有得免費派一張大會宣傳 poster, 我地原本都驚自己唔知有冇得攞~哈哈~又俾我地攞到~ yeah~

fans 買演唱會限定紀念品~我地乜都冇買~以前阿基會買好多紀念品, 仲記得去大阪睇 w-inds 演唱會時, 佢都買左好多! 依家, 佢變左心啦~依家佢迷 SJ, 東方神起! 所以唔迷 w-inds 啦~唔會洗錢去買 w-inds 紀念品!

搭電梯上到最高一層! 呢度就係會場! 5樓, 呢度應該係會展最高一層!

Fans 送俾 w-inds 既禮物收集處! 咩都有.....

有 fans 既手繪 w-inds 圖, 好靚~畫得好似!

涼平 & 慶太~ 好鍾意涼平果張呀~

入到會場, 已經有好多人到左!

我地係坐「藍區」S 行, 91位。

哎呀~唔係中間位呀~不過都算近架啦~算啦~

其實仲有好多位都賣唔出! 哎....心酸.....