2008-07-24 (四)
今日已經係尾2日, 返埋明天就可以離開這間公司, 突然有d唔捨得tim.
我發現自從由7月頭開始, 就覺得呢間公司的一切都是美好的, 只可惜發現得太遲.
今日我的上司請o左我同幾位新的女同事食lunch, 我們去o左起中環的皇上皇酒家食lunch. 本來我都唸住帶相機影低我地的開心片段, 但因今日遲o左出門口, 所以唔記得帶喇....我仲同其中一位女同事都好似識o左好耐咁, 有傾有講.
我地6個人叫o左20蝶點心, 再加一個炒飯, 食到都幾飽喇. 埋單時發現原來今餐要成$632蚊, 都幾貴, 即係平均每個人大約都成$100蚊, 真係要好好多謝呢位上司喇..
今晚又冇返小組喇, 明明自己好想返, 但唔知點解冇返而去o左大埔交埋租屋果d尾數. 交完之後, 就同個經記上去間新屋度抄錶, 方便日後計數. 之後佢走o左, 我再詳細檢查間屋, 點知一開個廳的冷氣, d燈閃o左一閃, 跟住成部冷氣開唔到, 我緊係即刻搵返果經記來證明唔係的整壞, 不過佢都好好人, 話業主話太舊, 可能會懷, 所以唔關我事, 咁都好d, 唔使陪..
Check完之後, 返屋企, 突然覺得原來我住果度都唔錯, 大堂夠大, 架lift又大, 仲有屋企個toilet夠大, 突然有小小好鍾意我住近果度tim. 我仲成日話想搬出去住, 睇來我都唔係好識珍惜而家所擁有的一切..
