小麥草

上星期六出花壚買左包小麥草種子....諗住試下種d 新鮮小麥草比B仔試下....因為佢唔係幾肯食新鮮菜菜....所以都係抱住試下ge心態....如果B仔真係唔食ge就拎去比d貓貓食都好.....

星期六晚返到屋企就開始播種....

係上面加多層泥再加d水....跟住就等佢發芽喇!!

到左星期一放工返到屋企終於見到有芽出左喇!!!

小麥草ge生長速度真係好驚人....朝早出門口到放工夜晚返到黎....足足生高左成吋有多....所以唔使一個星期已經有以下ge成績喇!!!

收割好...再洗好先拎去比B仔試食......聞到一陣好新鮮ge草草氣味......

而盤裡面剩低ge草苗重可以不斷生長....岩岩剪左d葉...隔左一陣就見到草ge中間有d小水珠出左黎....真係好得意呀!!!

等我地又睇下B仔肯唔肯食呢d咁新鮮ge小麥草呢?

B仔初次接觸小麥草有d抗拒...冇食落肚全部都係咬碎晒吐返出黎......

於是我就豪d....今次一扎放晒係B仔面前...佢又係咪咬碎唔食呢??

請留意片中段B仔咬斷晒d草草之後終於開始食左幾條落肚....總算都冇白算我ge心機......