好笑~~~

過了個WEEKEND，心情豁然開朗！

雖然湊住兩個好比擔泥，仲累過返工，但辛苦得好開心~~~
晴晴越來越搞笑，錡錡越來越似隻猩猩... 就黎爬出網床..........

晴晴而家講野超級老積... (都唔知係咪學左我定同學仔...)

有次佢見有野跌左落地~
晴：「喂~ 做咩跌左落地下架？」
我學佢：「係啦~ 喂~ 跌左O既？喂~ 喂~」諗住可以引佢發笑...
晴望左我一眼：「你唔好再『喂』啦~ 大佬！」

笑到我肚都痛......

又有次，佢坐o係馬桶去緊小便...
佢最鍾意去緊廁所時同我講野...
我講一講笑，佢就笑到跌左半個patpat入馬桶..........
(佢而家要扮大個唔用小童廁板)

又笑死我... 不過要即刻洗patpat呢........

***

呢期成日叫同事幫我手整Poster D artwork...

以前都係俾錢搵人整，而且收得超貴！
而家發現有人識，梗係唔俾人賺啦！
同事一邊整一邊問我：我整左d錢係咪俾我？

我成日幫公司樣樣格價... 樣樣講價... 年終都慳唔少...
如果咁樣計... 我應該發左...

真係慘... 唔洗俾錢就係咁... 要睇人面色聽人說話......
都係o個句「求人不如求自己」...
遲d得閒要學左佢先得........................................