busy blue

終於都過左珠寶展喇...
真係忙到暈...尋日星期日都要返工.....

展覽期間，幫珠寶設計師協會手搞左個記者會，
雖然真係好煩好多野做，但無可否認真係學到好多野！

而呢個SHOW最慘O既就係~~~~痛！
對腳著唔慣高跟鞋... 搞到"爛腳",,,,,
日日貼滿晒膠布，依然覺得痛楚難當....
5日o既show，差唔多用晒成盒膠布！

另一樣~ 又係痛！
個膊頭同條頸又緊左....唔知係拉親定點.....

總知就係慘慘慘...

不過最開心o既~ 莫過於公司生意好... 因為有bonus嘛！

而因為我晚晚都夜返，星期五又去左「珠寶名人夜」，
所以晴晴有2晚去左麻麻度訓，
因為咁，我先可以好投入地去做野！好耐無試過呢種感覺！好滿足！
其實如果唔係有2個女，我諗我都會係事業女性型呢！
不過都真係好掛住個女！星期日完左show就叫返晴晴返黎訓！

講起「珠寶名人夜」，都真係幾開心~
可以同蘭子同枱，已經見過佢幾次了，其實佢真人真係好ok~ 又好禮貌！
仲見到張舒雅......hea住到塲......人人盛裝出席，佢就著牛仔褲...

******

以前返工日日都好開心，好鍾意公司...
呢排返工，真係返得好唔開心....
每一日都膽戰心驚... 做每一件都怕俾老闆話...
好驚好驚老闆... 好怕同佢對話... 每次佢一叫我個名，我就心都跳埋...
我每做一件事，每講一句說話，我都好無信心... 唔知老闆又會話我咩....

我已經好努力地做好d...
我知我做得未夠好... 但同時... 我覺得佢真係變左好多...
自從佢上次出完trip返黎，好似變左第二個人咁...

佢以前對我好好，無咩點話我，只係會成日同我講笑...
但而家一開口就會話我呢樣唔o岩，o個樣唔好....

好似今日，佢問我廣告用左幾錢？
我答佢用左HK$......，即刻就答到，以為過關~ 點知....
「美金丫嘛... 唉... 人地不嬲都講緊美金... 永遠都走唔出個框框....要國際化....」
其實只係好minor o既事...
俾著佢以前，佢會話：「咁美金呢？」
但而家就會長篇大論地話一餐...

每日都係咁... 真係好唔開心.... 好大壓力...
真係好唔想再咁...
唉... 其實我都好想做好d...
但係生完錡錡之後... 完全無晒記性.... 個腦又轉得慢....
剛剛做完一陣o既事，人地問返我，我竟然要o個一刻無晒印象，
我要停低3秒，o係記憶入面搵返出黎先至答到...
自己都覺得好過份！

今朝真係做到好灰... 同老公講... 我唔做喇....
但之後... 我諗諗下... 老闆越話得我多，其實我就越學到野！
雖然係難捱d，但其實我每一日都o係度進步緊...
佢每話我一件事，我就會下次犯少一樣錯！
對於日後自己處事都係有幫助o既！

哈哈~ 忽然覺得自己大個女了~
IQ低了...但EQ急升！
而家望就望D記性快D返黎啦！

另外，而家對得老闆多，受得氣多...
覺得雖然男人都係麻煩的...但老公真係好好多呢！

聽日我要繼續努力！