恭喜小強老師

首先要講一樣一直唔記得講o既野...

恭喜我最尊敬的中學老師黃偉強老師榮升為副校長！
小強sir，你o既努力絕對唔會白費架！ 你要繼續努力呀！

~~~~~~~~~~~~~~~~~~

今日用阿儀俾o既coupon去左Doctor's Concept做facial，(何傲兒賣廣告o個間)
做左個最貴o既甚麼無針facial....價值$1880......
唔洗俾錢，好爽呢~   效果又真係幾好woo~~~

做完之後，佢例牌sell下我，話優惠價，唔知萬幾蚊有10次！
除開平均都要$1000一次~   嘩~咁抵~多謝晒~ 拜拜！
效果咁好~ 我諗我真係會做的~ 如果發左達的話~

之後佢又再sell我第二種~ 原價千幾蚊，
佢不斷講，我一路say no，佢又一路減...
到最後講到$250一次！！
可想而知~ 原價成千蚊係幾咁呃人！

~~~~~~~~~~~~~~~~

今晚晴晴的chanchan契媽黎探我地~
好耐好耐無見喇~ 佢終於都蒲頭！ 無心肝呀！
講笑o者~ 佢都好有心地買左野俾我補身！

同佢傾左好短時間，佢又要返屋企喇~ 真係唔捨得.....
佢走左之後，發覺有好多野仲未同佢講...
然後諗諗下，覺得我地無形之間，好似好多野聯繫住我地....

好似... 我地去過同一間美容院做facial，
我地剪頭髮原來係去同一間舖頭、搵左同一個髮型師，
我地都撞過同一個舊同學，
我入醫院生bb時，撞到佢個朋友o係產房做...

雖然好耐無聯絡，但我地周遭o既事都好似同對方息息相關咁....
感覺好奇妙....