網誌分類：我記..... |
又一個星期六, 返工, 閒聊, 玩樂, 放工!!
放工後相約了朋友一齊去玩, 先黎一個佢善長既活動 ~ 保齡!!
對於保齡, 我識, 但我唔精.
而我呢位朋友, 全套裝備, 私家波, 有姿勢, 有實際
望住佢打波既背影, 忽然諗, 有一個好似佢咁既 朋友都唔錯.
短短三局, 立見高低, 結果, 唔洗多講.....
佢自己還多打一局, 一個字, "有 heart 呀!!!"
運動完一輪, 要醫下肚, 揀左去鋸扒
裝修唔需要好靚, 有個種氣氛就夠啦
食下, 又傾下, 佢既事就黎劃上句號
然後, 希望快d開新段啦!!
十二點, 第一次到JP戲院
院入面都好大, 好高, 同海運差唔多, 好耐無睇過咁大個screen,
一套想睇既戲, 鬥智鬥力, 完美佈局
無期望錯, 無喜愛錯
同朋友分開於零晨兩點幾
天, 烏雲密佈, 雷電交加
小巴窗外, 雨由細變大, 疏到密
未幾, 傾盆大雨
然後, 落車
跟著, 濕透
何謂橫風橫雨??
(1分20秒 有人示範風雨同路)
$$/飯 2007-06-15 19:47
你咁有心影段片..抵讚
睇怕濕哂身啦呱..?仲要行雷閃電..拿拿避雨啦-_-
樂天婆婆 2007-06-11 13:47
做人無heart, 同條咸魚有咩分別呀!!
人各有至, 每個人追求既野唔同, 你都有你既所長架!!
你既所長咪......在唔適當既時候做d適當既野囉............(落大雨影video........真係有無咁寫意呀?)