今晚煮左鍋蛋雞肉飯聽日返公司食. 唔... 點解唔係鍋蛋牛肉飯? 因為雪櫃淨係得雞 + 蛋囉. 嘻嘻... 講起鍋蛋牛肉飯, 細過時媽咪整既鍋蛋牛肉飯係我既至愛. 唔係成日有得食架. 要等阿爸唔響屋企先有得食. 例如佢去左飲啦, 例如佢去左打牌啦. 屋企淨返媽咪, 阿哥同我既時候. 媽咪先會煮尼個鍋蛋牛肉飯過我地食. 好好味架, 通常我都起碼食兩碗. 尼個其實我係問過我媽咪: 點解淨係阿爸唔係屋企, 我地先有鍋蛋牛肉飯食既? 佢有D尷尬咁答我: 咁寒酸, 點可以就咁煮卑你阿爸食呢?
好寒酸咩? 我覺得好好食喎. 咁樣尼個鍋蛋牛肉飯就變左我好鐘意食, 又唔係成日有得食; 有時甚至期待阿爸幾時又去飲我又有得食既好味飯啦.
.
sasa 2008-07-14 14:31
餐肉仔2008-07-14 17:59
Eee... 你轉返張相喎.
.