網誌分類：麟.生活 |
圖片
網誌日期：2009-07-01 01:20
MJ 謝謝你曾經帶給我和太太..一個無與倫比..永誌難忘的晚上....
96年 10月25日...我和太太於 星加坡 欣賞了一場目不暇給..充滿震撼..驚嘆跟喜悅的演唱會....慶幸能夠參予其中..使自己人生多了一段非常值得回味的經歷..
圖中包括門票..cap 帽 及 演唱會場刊~
分享一下自己部份偶像收藏...還有一些 黑膠碟及錄影帶和CD 等..還儲在舊屋.
CD/VCD
DVD
LD
錄影帶..
及 朋友於美國帶來的禮物 MJ 相架~
永遠懷念你......MICHAEL JACKSON 
最後送上4張..聽說是MJ 離去前...排練最新演唱會時拍下的照片...
pic028.jpg
pic027.jpg
pic026.jpg
凶星 2009-07-11 01:34
咁問你最岩啦,麟兄
邊隻DVD有齊晒最hit既MV?
dvd我得最右邊個隻,我見Number one個隻冇Jim 又唔想買
另外想問 the one 係咩來,睇封底冇歌名?
麟~2009-07-12 01:47
the one..就係一d佢朋友/star..向mj 致敬(好似佢byebye左咁)
講點欣賞同祟拜佢..又播下佢mv...其實可看性唔高..之前出係有d搵笨o既
不過佢而家唔響度...o岩而家睇多d囉
MJ冇咩邊隻dvd齊料架...斬開先搵$嘛..kekee
小尼 2009-07-09 22:19
OH 如係 hot toys, 咁就擔心小 d 呢, 呵呵~ 希望不會令一眾 fans 失望呢!!
超期待
小尼 2009-07-09 15:14
同你想法一樣, 唔似唔買!! 無謂買一個扮 MJ figure 回家架嘛, 搞到好似翻版貨咁.
之前我有買一些 figure at hot toys, 佢地 d 手工都幾好喎. 希望佢遲些會出 MJ~~
若有一個係 MJ 跳舞姿勢被燈射住的造型, 就正lu!!
麟~2009-07-09 17:49
就正係hottoys 黎緊會出囉~我都期待緊..
好幾個造型我都必買架..不過首要當然要個面相似啦..^^
小尼 2009-07-08 12:01
嘩~~~ 真係要留意呢!! 呢本野唔係唔買呀, 呵呵!!! ^0^
尋晚我去了奧海城, 你有沒有呢? 開頭還想會播一些 MJ mv 與現場
fans 一同緬懷. 但可惜沒有 >< 似比明星做 SHOW 多點, 唉~~~ 不過都開心能同其他 fans 一起緬懷 our king of pop!
其實我一直想買 MJ figure, 但在港找不到 >< (我一定不會 bid, 助長炒風的 >: <)
麟~2009-07-08 14:50
MJ FIGURES 黎緊陸續會出架..妳留意住啦~有好多造型排緊隊
之前出果一個...雖然我係fans..因為個面相唔似..佢出個面相好古怪下..好似係兩個時期o既混合樣..跟本唔似mj其中一個時期...(我諗fans先明...)
越喜歡就越高要求嘛...所以我唔買抗議...
aroma 2009-07-07 00:53
小尼 2009-07-06 13:53
http://www.youtube.com/watch?v=s31ZfhDmDLQ <-- 嘩!!! 終於睇到完整版勒!! thank you soooo much T^T
其實我一路睇, 一路覺得佢硬來的, 因看見他的眼神是 tired!! 但舞台是他的最愛, 所以即使身體有任何不適, 都會因在舞台上而一一消失!!
有成 100 小時咁多!!! 希望最後不會只得一小時啦 ~.~ 直覺話我知, 要比幾多錢都會帶它回家 XDDD
麟~2009-07-06 22:18
係呀..唔算好精神..不過彩排一般都唔會盡全力.
遲d日本好似有本幾百張圖o既紀念集出tim呀..要留意..^^
小尼 2009-07-04 21:46
嘩!!! 你地個經歷好正!!!! 注定你睇到 MJ concert!!! 同埋你能買到第二貴的飛, 真係超幸褔!!! T^T 我代入了你當時的情況, feel 到既緊張又刺激, 如是我, 係比錢買飛果一刻, 對手一定震過貓王 XDDDD
我真係難以想像若果我睇到 MJ concert 會係點. 一定跳足, 叫足整晚, 完場都唔肯走. 離場後都要 high 足一星期
我自己在家聽到 MJ d 歌, 都會自己郁下, 學下佢. 但實在太難學, 嘩哈哈!!! 最想學佢 thriller d 喪屍舞, 嘿嘿~
麟~2009-07-05 02:06
第二貴其實都好遠下架..
佢話有票我買我冇震..係埋去買果時震咋..因為驚佢冇晒票買喇..kakaa
小尼...黎緊會出mj 最新演唱會彩排dvd呀..
有成100小時..剪埋都有幾粒鐘掛!?!?
你睇左未?
http://www.youtube.com/watch?v=s31ZfhDmDLQ
http://www.youtube.com/watch?v=DGd_cGInfGY
Ｗadee 2009-07-02 20:14
唉~
我鍾意佢D慢歌多D~
麟~2009-07-02 20:57
麟~ 2009-07-02 00:54
仲有就係...當時一到 星加坡 就上的士去場館喇...
點知上車同司機傾開..佢竟然好奇怪咁同我講...(下!?!?你地響hk咁遠飛黎為左睇MJ??)仲話比佢都唔睇...佢情願睇 (張學友)....學友佢一千蚊張票都買喎.......我同女友(現任太太)都呆左..........品味獨特.....
小尼 2009-07-02 00:27
對啊, 果時係因嘈音問題, 解決不了 (有錢人大晒的定律), 呢點我還記得. 講真, 一個國際天王來港開 CONCERT, 應感到榮幸才對 Y_Y 我果時一聽到會來, 真係好興奮, 好興奮!!!!
為何你去到還會買到飛呀? 那你是坐位 OR 企的呢? 能否分開多些當時的心情?
麟~2009-07-02 00:46
因為 當時知道佢開show..非常想去睇..但問晒朋友同搵晒資料..所有地方o既門票都賣清光...
點知10月24號..我哥哥打電話比我..話得新加圾25號晚仲有票賣..(星加坡只開一場....當地人原來唔係咁識欣賞mj)..
結果即晚(24)決定.點都要親身去睇一次..第朝一早就叫女友執野起行..仲要係一早出中環d旅行社買機票..(好記得有間叫 博x..上到去知我急買機票..竟然開天價..貴正價3倍屈我買)..行左好幾間先有朋友問到有機票..然後即時去拎票上機...年輕嘛..咩都膽粗粗冇準備架...一去到當地就直接去現場..好彩真係仲有門票買...好似只係剩第二貴果種..其實係有膠椅坐架..不過mj一出場就個個企晒起身..最後仲企埋上椅tim..kakaaa
我真係從來都未睇過氣氛勁成咁o既演唱會o既..到睇完都成11點幾...點知d 的士原來每晚12點後加價..11點幾就全部唔接客...等加價..我同女友響場館外等到12點幾都冇車..(仲要未搵酒店架..kakaaa)最後係場館個食物店老細..出到黎車我地同介紹左間又新又價錢適中o既酒店比我地咋~(點解個老細會車我地呢..係因為睇完show我同女友肚餓又唔識地方..去左佢度食野..同埋問佢酒店資料...點知等車等到佢收工出門口..仲見我同女友響度等的士..kakaaa)結果佢就車埋我地..真係出路遇貴人喇..:p
小尼 2009-07-01 04:05
oh!!! 你實在太幸褔了能親眼看到 MJ 的演唱會!!!
我那時還讀書中, 沒機會去看 >.<
以前曾傳過 MJ 會在大球場開CONCERT, 那時聽到真的超開心....可惜終告失敗 T0T
R.I.P. MJ
麟~2009-07-02 00:01
盛傳會黎hk大球場開show果年..正係96年..巡迴演唱..果時連泰國都開左3場..
當年講到一定會黎HK架...我有d朋友都話佢會黎..叫我唔好飛過去睇咁傻....
不過我同佢地講..照我所知mj開show最少有幾個條件響hk冇法搞得成..mj一定要室外場館..當年話只有大球場..
另一條件係要晚上開show...mj係唔會曬住太陽同你跳嘛..
但如果佢黎大球場晚上開show...跟本 嘈音 問題解決唔到.(當年細細聲演唱會事件)而且仲有一幕有d 政治敏感場面tim...
所以個人覺得機會唔大..於是就好倉卒咁出發喇..當年我同女友一落機就搭的去場館買票入場..拎住兩箱行李入去睇架...年輕真好..kakaaa
DESMOND 2009-07-01 02:34
麟~2009-07-08 15:49