新 居/婚 進程~

迎接新生活,留個小紀錄.

一連幾日都為婚事繼續忙碌..出左去選下 磚仔 同 瓦仔..另外就係選下 bb相 讀書相..拍拖照..搞進場片段...同睇下電器等等...女友仲幫老媽子同未來外母各買左件 [毛毛披]..即係奶奶衫外面果件呢...搭住膊頭唔駛咁凍嘛...不過..女友低估左兩位(年輕人)o既體型...唔係好o岩身..要拎番去做件大少少喇...

分別行左兩日..響旺角睇 地磚 同 瓦仔..用左好多心機..又比較左好多間..花多眼亂之下終於選好左成屋o既配搭...於是做好功課..記低晒資料...然後約左(mak 老闆)一齊去訂貨啦...基本上師傅包成間屋每呎$10貨仔o既...都一定要補錢架喇..於是我地就將價就貨..見唔到o既地方(地台下)就買平野.廳/廁地磚就可以貴d..拉上補下咁..

30-11-07  (星期五)..11點正..就約好 mak老闆響某間我地認為唔錯o既舖頭外面等..帶佢入去望下我地選擇之後...得出黎結果..係冇一樣合格..... 跟住由佢帶左我地去另一間專賣意大利磚...件件靚野o既舖頭入面..從新再選過...最後選好同落左訂喇....(包括..房地磚..廳地磚..地腳線..廚房地磚[同廳同款]..廚房牆身..仲有廁所地磚同牆身....)響同一間舖內選過晒...早知唔駛自己傷神.一早捉佢(mak 生)出黎啦..白行左兩日..初時問佢有冇好介紹又話間間差不多喎... 而家比之前我地選好o既價錢多出唔少..不過質數當然好左啦..mak老闆都好信得過o既~

搞好磚仔食過午飯..去銀行入下數又過下數..順道拎埋件[奶奶披]去換..結果係要造過件大d..然後收到 mak生 電話..佢知我地兩個今日都得閒..於是約5點多..一次過去佢舖睇埋 全屋各樣物件繒圖...(傢俬..床...廚櫃..玩貝櫃..廁櫃等等)..

時間尚早..同女友響 金魚街 睇下 魚仔同寵物..然後先入去 mak生 位於 大埔墟 舖頭..經過一輪商討/改動..大致上都完成喇...暫時頗滿意..同心目中整個 型 相近~而家等 設計師 修改埋更改左o既部份..然後比我地過目多次就ok~離開果時都8點幾喇..返出九龍..食過晚飯..就回家休息喇...

明天..行程係睇回禮小禮品.....仲要叫女友幫眼選出婚禮進場片段o既拍拖相..and than.......!?!?

ps.女友同我都忘記左..原本 星期四 約左律師樓聽講座...結果要改期喇..

==============================================================