MEGA BOX 魯一居~

 冇錯!你地冇眼花..又係 MEGA BOX..我去唔厭..你地都睇到悶喇..... 

點解今次又關 MEGA BOX 事呢.!? 事緣最近忙於迎接 新生活..正為新居裝修設計努力中..

  早前買左本 裝修攻略5 黎睇[雖然我間唔係 居屋同村屋..]..但發覺好多有用資料喎.. 於是就補購番之前果4輯喇..而補購地點..就正正又係 MEGA BOX 商場..

上一篇介紹 mega box 飲食 o既時候 BLOG友 cow兄 介紹過 呢間 [魯一居]

我響回應話會去試下o既~講過當然要實行啦~~ 是晚就一於去[味分高下]喇...

女友部 DC仔 出動~~

蒜蓉炒 小毛菜~即係細版白菜仔..菜仔都幾甜喎..唔錯.

杭州煨雞~雞滑又夠淋..但雞味唔重..個汁似[梅菜扣肉]..但冇咁濃味~+半

侍應會幫你去左 雞脾骨先~

跟住叫左個 山東川魯麵 個名好似係咁.. 清清淡淡..不過不失..

最後呢個小籠飽.皮簿多汁..味夠濃..又唔易夾穿..非常有水準~+ 值得一試..

整體都唔差..下次會去多次..試下其他菜式先得~~

=============================================================

   生活記敘一則

   最近事事親力親為的我... 正係忙於為新居裝修攪盡腦汁.. 埋首設計埋心目中理想家居平面圖..然後再同 室內設計公司 研究... 

   其實剛剛先忙完為自己 [婚紗相]做後期..本來[執]相工作都係 台灣間拍攝公司負責o既..雖然佢地都好專業..但一定唔會[好細緻地]修改..某d效果又要另外收費..

   而且收到佢地初次改圖.改到好似 蠟像人 一樣[個人覺得太重手]..連我都皮膚白滑..唇紅齒白.女人型一樣..點得架...仲要send黎send..上載下載咁去校對...基於女友最緊張就係d結婚相原因...最後都係決定自己出手喇.

   女友都[頗高要求]..例如個天太灰..要改個藍天白雲上去啦..眼睛紅筋.衣飾移位.刪減多餘景物等等.最後都用左個多星期先完成~幸好出黎效果.. 女友/家人 同朋友都讚...  不往我通宵幾晚..

   不過女友對我新居設計o既初步構想好似有d懷疑可行性..喂..雖然我成日懶懶閒唧..但每次肯親手去搞同決定o既野~幾時有令妳失望過先~~放心啦~~

   黎緊仲有 進場片段..喜帖等等要自己設計.....睇黎新玩具有排都冇時間影住喇...

=============================================================