寶寶的記憶有效期

未需上學，沒測驗、沒考試，小腦袋閒時沒事忙，對重覆又重覆的事是記得頗牢的。但短暫記憶呢? 沒測試過、沒統計過，我不知道。

早上看見寶寶的高腳椅座墊掛晾在浴室，想必他曾於高腳椅上頼尿。寶寶吃飯時慣常坐於高腳椅，他忙於玩玩具、看書或畫畫，我或4姐就忙於餵食。今天沒有高腳椅，我唯有把他扣坐於餐椅，天南地北，東拉西扯的跟他談話，務求分散他的注意力，快快的給我吃完一頓飯。

我: 寶寶噚日有冇返學呀?
寶寶: 返學, 有
我: 寶寶放學有冇攞balloon呀?
寶寶: 寶寶揸住...purple balloon
我: 係呀, 寶寶攞咗個purple balloon, 放咗學媽媽同寶寶去咗邊度呀
寶寶: 去公園...好多好多水水呀
我: 係呀, 我哋去咗香港公園呀, 去食飯, 係咪? 寶寶噚日喺公園食飯, 食咗乜嘢呀?
寶寶: 唉鉗...同埋chicken, 咬唔到
我: 係喎, 寶寶食完chicken食ice-cream喎, 邊個同我哋一齊食飯呀?
寶寶: bb, 同埋姐姐...兩個, 同埋姨姨, 一樣...兩個, 一樣...一樣
我: 係呀, 有bb同埋兩個姐姐, 仲有兩個姨姨o添, bb衫衫係咩色呀?
寶寶: red
我: 寶寶食完ice-cream有冇坐定定呀?
寶寶: 寶寶落地地, 睇水水, 同埋姐姐一齊
我: 水水入面有咩呀?
寶寶: turtle, 賤有fish, 好多好多
我: turtle係咩色ga?
寶寶: back
我: 係喎, turtle係black ga喎, 跟住我哋走lu, 寶寶有冇自己行呀?
寶寶: 媽媽抱你
我: 係呀, 寶寶冇自己行, 要媽媽抱喎, 點解呀?
寶寶: 典解...典解...賤有好多fish, 賤有bee
我: 係呀, 我哋見到好多fish, 仲見到bee喎, 我哋返屋企搭咩呀?
寶寶: 搭頗車...train, 賤有Elppi姐姐
我: 係呀, 我哋同Elffi姐姐一齊搭train
寶寶: bye bye Elppi...
寶寶: 蝕完...唉鉗peas
我: 係喎, 寶寶食埋呢啖食晒喇, 叻仔, 你坐定定, 媽媽去攞ice-cream俾你

無意中發現, 寶寶的短暫記憶最少有一天的有效期。