一起為世界盃喝采 -- 預咗英格蘭輸波!!

本身是一個超英格蘭球迷，每一場比賽也有看，每看一次越想艾歷臣早D執包袱，自從佢被英傳媒玩謝後 (扮油王扢角)，佢個心已經離開咗英格蘭！你玩野，佢玩野，搵個一場英超都未踢過的禾確特入選，結果出都未出過，就算搵後備也應找個對球隊有點兒用處的吧！就算唔講戴倫賓特及迪科爾，也可以出老鬼科拿或舒寧咸，雖然老咗D，BUT加時可換入佢地踢十二碼，命中率會高很多，一定好過加力查。

小組賽已看到這支被喻為擁有一行超級中場的英格蘭將會令大家跌眼鏡，沒有一場踢得好，幾位不同球會的中場大佬完全不能溶入國家隊，入到場個個都係大佬，碧咸跟本做唔到隊長的拍揮，林柏特完全無態，到8強都未缺定到打4-4-2或4-5-1。面對葡萄牙，D前鋒都被喻為癈，笑說可打個4-6-0，葡萄牙領隊也是想打到十二碼來贏英格蘭。一開波見到英格蘭4-5-1個陣，已心想今次輸硬了，朗尼一定會被mark死，中場又發揮唔倒功力，找誰來入波，何不乾脆打個4-4-2，找高治拉開對手，好讓朗尼有機可乘，或角球時用吓d高佬頂吓。

到射十二碼，跟男友及弟弟三口齊叫千萬不要找一個無態無運的林柏特射第一球，九成唔入，第一球唔入十成影響軍心信心。點知第一球就是由林柏特射失後，鏡頭直影向謝拉特欲哭無淚個樣，唔係輸係葡萄牙龍門手上，係輸喺信心及艾歷臣的部署。