怪夢

琴晚發了個好長的怪夢.夢見自己在行紧,在我前面有個女人抱住個BB.行行吓見到有人挖蕃薯,仲見地下有好多葛薯,偷偷拿起葛薯黎吃.抱住BB個女人叫我幇佢也拿一個葛薯.跟住由下一望,哇好靚的地方,D屋在中間,旁邊有好多樹林围住.天空中好似有彩虹,在夢中個景真的好靚.

這時見到一個身穿軍服的女子行黎,我同佢講唔好行咁近危險.佢話佢在這里住了好耐.跟住我問佢點樣行出去.佢帶我由隊道行,我話以前都有想過當女兵,是接线員,後個部队搬左去惠州.佢話惠州的部队好小.(都唔知點解在夢中講的是真的事)

行左一陣到了個集市.見到有好多嘢買,灵芝和D菌類等.個女兵同我講由呢度行出去就得了.我哦.(鏡然在夢中連多謝都冇講.真抵犀.)我好好奇呢度睇吓,果度睇吓.行行吓不知身在何方,天也慢慢黑了.這時先知驚.後見到前邊的屋被海水淹沒了,我嚇到大叫大喊,係咁講唔好啊,唔好啊,我唔識游水加.在夢中我喊得好鬼辛苦.

在這時有個人在我肚脐一彈,立刻我在間屋里面了.聽到有把聲問頭先個人,今日有幾個人迷路,個人話一個.這時聽到BB的喊聲,一望係頭先個BB.咦佢媽咪呢,抬頭一望見到個媽咪匆匆行黎.抱住個BB唔知講乜.紧住同我講呢度陌生人都要黎报到,仲有呢度日頭是屋,夜晚是海.聽了我傻傻的咁企住.(报到唔通好快玩完,天啊!我仲未享受過美好的人生加)

這時我眼前一亮,望真D是太陽的光.哇天光喇,要快快離開些地.後又望一望,呢度太靚了,趁佢仲係日頭影返兩張先.影影吓,咦D歌聲咁熟,在邊聽過呢.聽聽吓哦原來是手機在响.好彩有電話來,如唔係都不知會點.D夢真係好奇怪變來變去.不知是什麽不好的兆頭!仲鬼咁長又記得鬼咁清楚,都不知何解.大家請指點吓喇.