網誌分類:2009 |
小朋友食飯問題不嬲都係我哋作為父母一個好頭痛嘅問題。有D小朋友淨係鍾意食肉,有D唔肯食飯…等。小女就比較特別D,佢好鍾意食疏菜同菇類,但就唔係好肯食肉!
可能你哋會覺得,咁咪幾好,起碼健康D嘛!不過身為當時人卻係有苦自己知,長期少肉多菜,令阿女身形較為瘦小,4歲幾身形比好多3歲小朋友更細粒!
不過最近比我哋發現,只要我哋比D肉類係需要點汁嚟食嘅話,阿女就會覺得好玩。不知不覺間會食得多D。話說早幾日我哋去婆婆度食飯,阿女食燒鵝點酸梅漿。阿女覺得好得意,食得比平時多好多添!
針對阿女呢個特性,我哋要設計多D肉類菜式可以點汁嘅,等佢可以食多D肉類先得!









