純綷搞笑～

第一次來訪兼發言，各位好！

大家有否看過當年歡樂今宵的《金像獎歌曲頒獎典禮》？

我和一群無聊得很的同事，模仿那個形式寫了以下的文章，貼上來給大家取笑一下：

（歌詞大部份都是我寫的，但每首只有數句，學藝不精之故）

2006十大金曲：

第一位（至尊金曲）：
打牌顧住誅下家，搞到唔記得踫對家──《踫得太遲》（《愛得太遲》）

「上得太易，踫得太遲，我怎想到，他手中有隻萬子......」

第二位：
開門七件事，柴米油鹽同豆豉──《豆豉山下》（《富士山下》）

「曾嚐盡美味豉油，為何為搵豆豉愁？原來全世界要富士山先有......」

第三位：
生得你出又唔肯認，費事第日冇錢剩──《唔係老竇》（《華麗邂逅》）

「仍然在無奈接受，錢永不過我的手，原來你唔係老竇，所以點我買生抽......」

第四位：
冬天皮膚好乾燥，搽極Lotion都唔係路──《求其"R"痕》（《頭條新聞》）

「頭皮真High，眉毛真High，連頭髮亦要"R"下不必怕醜怪，"R"過再不會痕，好愉快......」

第五位：
岳飛比佢害得慘，人人都當佢籮底橙──《"湯"秦檜》（《光明會》）

「遇著那衰人，伙記馬上舉刀殺生，特價品，人肉手撕刺身！ah......」

第六位：
拖住學費唔肯交，比錢個仔去買銀包──《大賴貓》（《大喊包》）

「書簿費，沒缺少，只因想去買野忘記了；大賴貓，明知期到了，還要假裝無人，似大少......」

第七位：
賭神輸剩隻中指，提早去見馬克斯──《天九．無情》（《天水．圍城》）

「誰策劃這騙局去賭？人輸錢中未容易卻步！他出千出到深造，四萬美金誰預算未有耐全部就冇，要見步行步......」

第八位：
失戀唔洗太Upset，落去酒吧慢慢Dap──《黎Jar啤酒》（《離家出走》）

「冇膽去Fing頭，想死驚屍臭，與你掟煲了，去Bar隊罐啤酒......」

第九位：
若然一日去廁所，發現冇廁紙可以問我鑼──《在你茅廁的附近》（《在你遙遠的附近》）

「傻到要住到你的屎坑附近，看著你凌晨還何以未關燈，若這刻你那水箱微震，是否可感到腳抽筋......」

第十位：
潮州佬遇著十隻鵝，手起刀落冇甩拖──《鹵了十隻》（《老了十歲》）

「隨手o拿起一刀劈，然後洗清再舖塊蓆，極快地鹵了十隻......」

最受歡迎合唱歌曲獎：

打邊爐有成十幾人，買多幾斤先夠分──《十斤．菜》（《十分．愛》）

「男：早知一早買菜，　　　　又抹檯，　　　　 誰人誰人能分身出去？
　女：　　　　　　　又切蔥，　　　　兩頭tun，誰人誰人能分身出去？

　男：彈開！　　　　剛剛　　　但佢又會話我知想yark菠菜......
　女：　　　未過海！　　洗好菜後，　　　　　想yark菠菜......」

經典金曲大獎：

金獎：
月頭睇下Calendar，約埋班Friend去飲茶──《紅日》（《紅日》）

「一週之中天天早起你有冇搞錯，閒暇時有你冇你定要必要熱烈地慶賀，待紅日休息，記得打比我，約定人，宵夜晚飯齊度過......」

銀獎：
菲傭克扣買"食送"錢，今餐晚飯要食仁緬──《三蚊雞買"食送"》（《三分鐘放縱》）

「成日三蚊雞買"食送"，餐餐都冇"食送"，Because of Marian，Just because of you......」

銅獎：
食炸雞唔洗去肯德基，落得太多就鹹到飛起──《南乳》（《藍雨》）

「冷冷乳，Wow......沒豬手因找不到你......」

by Ausze