剪長飯局

昨日(22-7-08)，我哋又搞咗個飯局，老細Dr. 3C安排咗間房俾我哋，可能人哋驚我哋太嘈，失禮佢啩！

第一件事當然要同老細飲番杯啦！

除咗老細，其餘都係女子組，嘈到呢....

多得老細識得酒樓經理，啲海鮮都好新鮮o架！

菜單有：

燒鵝一隻(好味)
白灼蝦(鮮味)
砵酒焗蠔(勁大隻，蠔裙邊好香口，好味到暈)
開邊芝士焗炸龍蝦(經理話：龍蝦開邊，芝士"吻"喺龍蝦肉上，沾上脆漿炸一炸，再放入焗爐焗熟。唔同普通嘅芝士焗龍蝦，初頭以為炸到好乾，但係食入口，嘩！好香濃芝土味呀！仲好juicy！超級好味呀！)
大斑兩味(超大碟，成個面盆咁大，我哋班女子組梗係食唔晒啦！不過都好好味。)
翠瓜浸魚腐(食咗咁多濃味嘢，啲瓜幾甜，不過已經飽到想嘔嘞！)
陳皮清蒸鮑魚(都有手板咁大o架！)
海鮮湯(好鮮甜，唔太腥，見到啲湯渣有幾隻大瀨尿蝦，如果食得落應該都係好味嘅！)
黃金餅(芝麻面，炸到脆卜卜，裡面嘅包又軟喎！飽到嘔都食到一角，正！)

多謝Dr. 3C嘅好介紹，盛惠每人$250。

地點：三聖村嘉彩酒樓，可到附近海鮮檔自購海鮮加工。