第一次 BLOG 聚

【823 Dessert buffet blog 聚】@ 蛋撻王子

無意中看到王子既 BLOG, 得佢邀請參加左今次既大型 BLOG 聚

寫左 BLOG 咁耐, 第一次參加 BLOG 聚, 真係好興奮!!!

我當然會孖住老友 Winnie 一齊參加啦, 佢咁鐘意食野, 岩晒佢啦!!!!!!!

BLOG 聚分左制作組及試食組, 我鐘意整野食, 當然玩下制作組 

一早起身先帶兩兄妹去 KFC 食早餐

 雖然話就話 BUFFET BLOG 聚, 不過點都要食少少野既

本來老公請左假幫我湊佢地, 點知上次打風

所以順延到今次, 最後都要帶埋佢地去

其實都好驚攪唔掂, 不過好彩有 Winnie 幫手, 仲有亞權車埋我地出去

真係麻煩晒妳兩公婆呀  <----呢個俾 winnie 架咋, haha....... 

真係好多野食, 每一樣都好好味, 仲食到好多心機添啊!!!! 

上面個藍莓 tart 超正, 好味過酒店...GOOD!!

呢個就係我做既【紅莓雙重朱古力馬芬】

對比起其他既甜點我呢個真係好普通 + 簡單

不過我都落左好多心機去研究架, 係好味既!

請大家多多指教!!

王子即場仲會教整四款不同口味既撻

第一次見王子, 佢俾我感覺好 nice

對整蛋糕甜點充滿熱誠, 係一個好有 heart 既男生

好鐘意呢款煙肉蘑菇撻, 好少食鹹撻, 好有驚喜

特別係個撻皮, 落左檸檬皮, 感覺好清新, 一於試做

原來去到都有好幾位小朋友一齊打機

其實佢地都好乖, 起碼坐定定冇周圍走, 自己自成一角

係就係有時大聲左少少, 不過人地打緊機肉緊嘛

希望王子唔好介意啦!!!!!

妹妹都識到朋友仔呀, 佢叫瑤瑤, 好乖好可愛架

戰後實地現場

真係辛苦晒一班出心出力既攪手們

我地飲飽食醉拍拍籮柚就走人, 難為妳地仲要幫我地清理現場

10 萬個 Thank you 呀

參加 blog 聚當然唔少得拌手禮

好鐘意呢份好有心思既拌手禮

有一間屋型禮盒仔, 內有一小件 muffin

一套三款唔同 size 既撻模

仲有一個想買好耐但唔捨得買既溫度計, 好開心呀

多謝晒你地

呢款就係拌手禮既伯爵茶 muffin, 好香好好味

食落好有質感, 卓然卓桐同我爭食啊, OH.......... 

總括今次玩得開心, 可能多人左少少, 有時場面比較亂

不過話明係 BLOG 聚,梗係大家圍埋傾下食下

鐘意既就行埋去睇下王子教整野

始終都只係一個聚會, 不是開班教授甜品

好隨意就 OK , 王子, 期待下一次既BLOG 聚呀!!!