暑假嚟咗

呢份工有暑假.....但係無得放反而要做多咗嘢bor~

好似琴日拱...

明明個時間表去到1600啲堂就完,

但老細突然帶兩個細路嚟話上1600-1700,

我同佢講話五點九前要到另一度而且未食飯,

佢話叫我同工人姐姐講,

又因為個姐姐話自己會比家長鬧,

唯有上咗佢.....之後即走,

同上住堂食三文治,

麻煩嘢唔止呢次....

我懷疑早排身痕同佢地方污穢有關,

因為佢從來唔揼嘢,

間房放滿雜物,似"夜冷"鋪多過畫室

响唔夠300呎地方有5張枱N拱多張櫈....

仲有其他廢電器

於是為咗健康着想,

上星期六....(仲要自費)放咗個滅蟲(虱?)噴霧

然後星期六.日嘅堂要求佢全部取消

呢啲唔係錢嘅問題...

而係作為一個辦教育嘅人

除咗揾錢, 係咪都要注意吓""客人""嘅健康先...

拱多雜物拱多塵小朋友吸咗對身體唔好

而且

以我呢種身手唔多靈活嘅人嚟講成日會撞爆脚,

啲細路撞到都痛啦!!!

佢再唔揼啲雜物呢個暑假我就教班細佬玩裝置藝術!!!!