090723精神記錄

:

1) 屋企個兩隻貓friend咗好多...一齊响屋企作反
2) 有次出門口開着爐唔記得熄火....好彩阿妹早番...唔係會燒咗自己間屋同兩隻貓
3) 個人開始試吓理性啲去生活,唔再超現實
4) 嘗試對"人"有禮貌(例:會對人微笑同注意說話語氣) * 注1
5) 十年前停止研究日本文化, 近數月再開始研究 **註1 
6) 找尋自己的過去及現在, 希望能從新"組合"自己
7) 對自己部份想法或概念會較以往堅持....多啲...
8) 以住只飲茶或果汁..近期課堂進行中邊畫畫邊飲sake(就快被同班同學仔引導成酒鬼)
9) 越嚟越覺時間同錢唔夠洗...
10) 唔鍾意行街shopping 反而鍾意行街望人...嘩e家啲女仔着得好sexy..好睇過戲!!
11) 諗吓人同人嘅關係係咪用利益先維持到呢吓? 每個人對另一個人係咪會先用一個磅磅吓對方有幾重秤先friend呢??
12) 近期好怕一個品種嘅人, 就係啲鍾意所有事情都要响佢手上控制到嘅人....只要你有丁點事情出乎佢意料之外佢會選擇唔去理解仲會反而去憎鬼你..怕怕
13) 自己打理房間....唔洗姐姐...阿媽都讚 ( p.s 但佢話打理全屋就勁.....無可能)
14) 成功引導阿妹打扮..希望佢快d揾個好人家

*注意1
意思係對唔太有好感嘅人會微個笑同語氣加倍客氣

**註1
以住強烈唔鍾意日本嘢...了解所以唔鍾意...但佢地亦有好多地方中國人應該學習
(例:日本人與歐洲拍紀錄片分別,前者以煽情手法拍後者以客觀手法 ..日本人會將人地文化包裝得好好,然後轉化成自己嘢...日本人會用各種感官元素吸引觀者,如日本百貨公司用一種叫(***盒子方法)令商場沒有日夜,令客人身處商場忘記時間)

***(資料來自建築遊人)