祝大家新年快樂！

今日終於見到d好番d既新聞，恭喜程生~~~

而我地唔使日日畀陳生折磨了。

昨天和同事戲言，今天新聞的A1應該唔會係再陳生喇掛！唔係程生都係超級星期二的選情啦！點知同事話：陳生比程生同Hillary or Obama都要出名，更多人識喎！哈！轉個頭就有人問：邊個係程翔呀？！真係激死左！！！

前幾天想睇下雪災的情況，但係相片的新聞日日都佔據著頭版，真是另人費解。我無上網睇過d相，無論真與假，受害唔受害，我都覺得唔應該睇/傳。(不過有人話這是一個針對集團的陰謀喎！)人家鍾意拍又好，不知情又好，呢d始終都係私人野，唔拍都拍左，佢地無公開，又無傷害人。但現在大家就一邊罵就一邊睇 / 傳，話人地係禽獸，甘其實睇同傳的咪又係一樣！！甘樣對於受害人都係傷害一種！犯法與否，請不要為一時間的好奇心而再去睇/傳呢d相啦！！

應該關心下身邊的人同事：如雪災的同胞，美國總統的選情，或程翔的假釋比較有意義。你話係咪？！

總之新年快到，祝大家平安喜樂，開心健康！！

p.s.不過原來今天的生果日報的頭條仍是相片的新聞。救命啊！同事講中了！