好耐冇打個blog.......

好耐都冇打過blog la, 真係懶左好多...le 段時間發生左好多野.....

6月去左台灣旅行, 好開心, 因為我想去台灣好耐, 而且台灣同我心目中既分別真係好大, 去過台灣之後, 我真係愛上左台灣, 不過當然日本係我最愛la.....今次同行既, 有一班朋友加埋我bf, 今次好有滿足感, 因為一手一腳去安排行程, 點去搭車, 我用左好多時間去睇去plan ga, 雖然有朋友唔太滿意, 不過, 對我黎講, 我就好享受, 咩都安排好, 只係有一個地方去唔到, 有d 唔太完美, 不過點都好la< 今個行程我都好開心, 台灣d 人好有禮貌, 地方好乾淨, 比起香港仲要乾淨得多, 真係不得不稱一下......

旅行完左, 冇幾耐, 我就轉左工, 個交接期一個月時間, 個一個月時間, 都好難過, 因為我真係唔慣冇工開, 係屋企都唔知做咩好, le 個月 , 就不停搵工再搵工, 有2-3份請左都冇返, 而家個市真係唔太好, 搵工唔難, 不過人工真係小好多, 唉, 不過為左唔再留係家中無聊, 同埋都要開飯既, 就做左而家le 份, 都係site clerk ,

唔經唔覺, 就做左一個月, 慣唔慣, 都ok la, 不過個度最令我開心既, 係有5隻狗狗係度, 係我做得唔開心, 辛苦, 累既時候, 我都會走出去同佢地傾下計, 喂佢地食下野, 係一個好好令自己放鬆既方法, 可能太鐘意狗狗la...佢地都好可愛, 唔識佢地, 都會比佢地嚇親, 不過, 佢地其實一d都唔惡, 仲好鬼死得意tim.....le 一個都係令我留底既原因既, 不過而家日日都要偷偷地喂佢地食野, 因為佢個主人唔鐘意我去喂佢地食其他野, 不過, 佢地真係太瘦了, 好想佢地肥d，大隻ｄ, 為有偷偷地, 等佢個主人唔係site 既時候, 先去喂佢地la...呵呵呵......

8月5日, 我家姐生左細b , 細b 終於出左世, 佢同我同埋我個妹,佢既dad 都係8月生日, 唔知佢會唔會同我地一樣, 都係一個好難搞既人呢, 我好想去見佢, 不過一直都未有時間, 黎緊下個星期, 真係要抽時間去睇下我le 個細b 仔先......

另一樣, 就係我又大左一年la, 27歲, 有d 驚tim, 同30快接近了, 我驚好多野, 又驚自己變老, 又驚自己變醜, 又驚自己變肥, 真係做女人真慘, 成日都驚le 樣驚個樣.....咁就27la< 真係時間過得好快, 過多2,3年, 就踏入30, 真係唔想面對le 一個事實......

我媽咪係前幾個月做完左一個手術, 以為冇事la....點之, 唔好既事都仲係有, 手術之後, 不足2-3個月又發現原先既位置有出現左d 壞既野, 雖然醫生講左, 唔係一定要做, 不過, le d 野真係唔知ga ma, 佢幾時好幾時壞都唔知, 睇住佢地兩個越黎越大, 擔心既事就越黎越多,人老左, 好多野都會出黎, dad，mum既白頭髮越黎越多, 佢地既老花就越黎越深, 步伐就越黎越慢, 好多野都唔同左, 我真係越黎越擔心....le d就係人大左，諗既野，顧慮既野就會多左好多，以前既我，又點會識得去為家人擔心.....我由前幾年開始, 每年既生日願望, 就係希望我家人都身體健康, 長命百歲, 我就已心滿意足, 希望我既願望會成真...

8月8日, 台灣風災,係我開心既時候, 台灣既災民卻無家可歸, 仲記得上年既8月8日係奧運, 係開心既日子, 卻估唔到一年後, 係有風災, 仲記得係我生之前, 好希望個台風快d 走, 因為我唔想生日既時代係打風日子, 咩地方都冇得去, 卻估唔到個風吹左去台灣, 令台灣人發生左風災, 早知係咁, 我情願個風冇走過.....真係對唔住.....希望佢地個邊天氣都快d 好返, 唔好再有唔開心既事發生就好la......