北京往瀋陽的途中

北京往瀋陽的途中

開講都有話 .... 咪以為好醒 , 原來豬頭炳 ....

北京工作完成後便照行程前往下一站瀋陽 , (聽說)....由北京搭火車往瀋陽市

約需11個小時 , 心想咁夜班車出發豈不是瞓一覺第二朝醒來咪就到啦 ! ....

但世事往往就無咁理想囉 ! ...

果朝早去買火車票點知卧鋪沽清唯有軟坐都殺啦 ! 又....心想幾個人一齊

傾傾講講時間應該很快過去 . 傍晚到達北京火車站....嘩人山人海...有點感覺不詳 ,

夠鐘 , 大堂擴播可以開始入閘 , 單走這一段排隊的路用了20 分鐘 , 入到車廂找到

了自己的座位 , 隨即坐下...噢 ! 所為軟坐基本跟木板椅差不多 , 只是上面蓋了

塊布而爾 , 唔準怨...鬼叫自己無做好功課咩 !

已經是快車但中途仍然停好多個站 , 乘客上上落落的 , 車廂內面孔不停在轉換 ,

只兩三個小時便連車廂內的通道也擠滿人 , 只要有人起身去洗手間 ,

旁邊的人就嘭聲坐落去 , 到人家返回坐位他們又企番起身搜尋下一目標 !

就在這昏暗的車廂捱了十多個小時火車終於到達瀋陽城站 , 太陽都出來了 ,

連腰骨都伸唔直呀 ! 下次咪制 !

先到酒店放下行李 , 沖了個熱水浴 , 竟然精神起來 , 約同事們外出找吃...

而他們的回應是 .... 睡覺 ...^^!