BLOG 主頁｜ 服務中心｜ 雅虎香港
      你不要輕忽所得的恩賜。(提摩太前書4章14節)
      留言

      網誌清單

      編輯 關閉
      網誌 我的網誌內容搜尋：
      引用 檢舉

      丁丁近況

      網誌分類：mad貓貓 |
      圖片
      網誌日期：2009-07-25 21:48

      經過第三位醫生的診斷, 丁丁確是患了腎衰竭。不過醫生認為不用打太多皮下水，亦把疾病及每種藥的作用解釋得很清楚，消了之前的疑慮！

      丁丁接受了第一次針灸, 牠沒有表現出一副享受樣, 不過十五分鐘的療程裡, 感到丁丁情緒由最初緊張, 慢慢變得放鬆, 身體由顫抖變得暖烘烘, 雙耳發燙。

      今晚在路上巧遇丁丁的第一位主治醫生, 傾了丁丁的近況, 醫生有點懷疑針灸的效用, 他仍堅持每星期只打兩次皮下水便足夠了! 實在不明白, 大家都是澳洲畢業的, 治療方法卻差很遠! 也許沒有對與錯, 只是在乎我們對那一位的信心大一點! 他叮囑我幫丁丁打皮下水時要小心, 要注意清潔, 有不明白的地方可以打電話問他! 也算是好人一個, 只可惜任職的醫院收費太貴, 而柜檯的護士又太討人厭!

                

                

                

      這次診治後, 丁丁吃多了, 不肯定是針灸的果效, 還是轉了Renal腎糧的關係, 竟然有吞拿魚、雞肉同牛肉的選擇！看見他吃得開懷, 睡得香甜, 我已經心滿意足了!

      引用(0)
      共16個回應
      • 檢舉

        易拎 2009-09-10 13:12

        醫生開咗D開胃藥俾Milker, 所以佢肯食嘢. 精神就麻麻哋, 成日抦埋一邊訓覺. 鹽水俾咗一包1000ML. 每日打100ML. 請問咩係azodyl 同forteka?

        MILKER都年紀大, 14歲啦! 我都唔奢望佢會完全好翻. 只望佢唔好咁辛苦地延長壽命. 我會聽你嘅建議, 早D BOOK BETTY 同非牟利.

        檢舉

        Madeline2009-09-10 19:00

        AZODYL係益生菌, 食貓腎排唔到既過量物質, forteka係藥, 擴大血管等d廢棄物容易d排走, 通常腎病貓都會食, 唔駛擔心, betty會好詳細解釋你聽! 不過藥就比非牟利貴好多, 既然spca無俾呢兩隻藥你, 咁你睇非牟利先啦! 爭成百蚊一樽架!
      • 檢舉

        易拎 2009-09-10 11:34

        收到你兩個MESSAGE，唔該你呀! 愛護動物協會俾咗10日皮下水AND3星期藥. 等D皮下差不多打完我會帶佢睇下非牟利。我代MILKER多謝你!!!
        檢舉

        Madeline2009-09-10 11:57

        不過我都建議你睇埋betty針炙, 因為好多腎病貓針灸完都胃口好左精神左, 我第一個月每星期帶丁丁去一次, 宜家三星期一次, 遲d一個月一次, 丁丁既腎指數比之前低左好多, 不過因為佢遲左成年至知腎病, 加上年紀大, 唔可以好得番! 你唔好等到打完水喇, book非牟利同betty都要個幾星期,  宜家好打電話去book喇, 最多book遲幾日! 如果你可以去愛協買鹽水, 不如你買多十日(係一包定兩包呀?), 等d藥差唔多食完睇非牟利就好d, 咁佢再幫你驗血都知d藥呀鹽水份量夠唔夠, 你每日打幾多?去非牟利之前就帶貓去針灸先! 因為你貓貓好似唔係咁急驗血住,  不過你自己衡量下啦, 首要係貓肯食野同精神, 咁就可以兩個幾星期後至抽血, 佢係咪食azodyl 同forteka?
      • 檢舉

        易拎 2009-09-10 10:25

        你好! 愛護動物協會嘅醫生話我隻貓Milker有腎病, 入咗院4日吊鹽水, but D腎指數只係降咗少少 (我無經驗, 唔記得問佢D指數exactly有幾高), 但就食多咗嘢. 尋日佢出咗院, 醫生叫我幫佢打皮下水同俾藥佢食. 我都想帶佢睇多個醫生, 請問可唔可以介紹DR.BETTY俾我? 佢會唔會貴過愛護動物協會? Milker睇咗一次醫生(驗血+尿)AND住咗幾日醫院TOTAL用咗$6XXX. 我覺得有D貴, 不過如果可以令Milker無痛苦地延長壽命, 貴D我都唔介意。麻煩哂你!!!
        檢舉

        Madeline2009-09-10 10:46

        DR BETTY 我淨係俾佢針灸, 電話: 23823300(會貴過愛協少少), 丁丁另外睇非牟利診所(最便宜, 長期病我推薦, 攞鹽水都係成本價), 電話23932150. 丁丁每年响愛協打針, 我早就覺佢唔妥, 但愛協醫生話無問題, 累佢拖延左成年至醫, 而且milker住四日要$6xxx都好貴, 丁丁之前睇將軍澳醫院我都覺得扼錢, 佢住左六日, 又係$6xxx, 你唔介意咪淨睇betty囉, 唔駛貓貓走來走去, 不過問多一個醫生意見至決定去邊度長期睇都好架! betty度攞second opion診金要$350, 之後每次$250, 針灸就$280(包診金), 佢好啺貓, 又詳細! 非牟利會自動問之前個醫生攞晒病歷, 不另收費, 我個人覺得幾好! 你自己比較下啦!
      • 檢舉

        ron 2009-08-07 02:17

        我想問丁丁初初出院的3個腎指數係幾多?

        urea,crea,phos...我貓兒仍然留院...明天會再驗血....好緊張

        前天驗左   urea-25.3            crea-652           phos-4.82

        檢舉

        Madeline2009-08-07 09:35

        丁丁出院前驗左urea=22.7  crea=698   但無驗phos喎, 淨係入院前驗過=3.7, 之後兩次都無驗  你貓貓住左幾多日? 丁丁住左前後6日, 不過返到屋企就唔同晒, 見佢瞓得好輕鬆, 佢响醫院好唔開心, 又扯甩吊水支針, 我諗對丁丁來講, 返屋企對佢病情有幫助! 不過出院後我都無帶佢去驗過血, 反正醫生話驗完都唔會改治療方法, 針灸多兩次我或者會幫佢驗一次血, 因為有貓友隻貓唔駛再打皮下水, 我都希望丁丁有好轉!

      • 檢舉

        aa 2009-08-04 11:37

        我貓兒也是 腎衰歇
        UREA = 21.4; CREA = 480
        那位醫生 ? 可否介紹
        打皮下水 ? how much

        please leave msg on black_catabc@yahoo.com

        檢舉

        Madeline2009-08-04 13:19

        覆左你喇, 祝你的貓貓早日康復!
      • 私人回應 檢舉

        這是私人回應
        檢舉

        這是私人回覆
      • 檢舉

        貓媽媽 2009-07-31 19:42

        如果好就keep咗睇啦，不要太擔心啦，當然我知妳好擔心 ^_^

        但睇丁丁個樣就幾好

        檢舉

        Madeline2009-07-31 20:05

        都唔錯啦! 各方面都進步緊! 我指丁丁情況..... 打皮下水既掌握.....餵藥.....同帶佢去睇醫生! 多謝向位有心人既支持同鼓勵囉!
      • 私人回應 檢舉

        這是私人回應
        檢舉

        這是私人回覆
      • 檢舉

        貓侯爵 2009-07-30 12:59

        睇丁丁個樣都好可愛好精神. 暫時唔使太擔心, 好好照顧佢呀!  祝你同丁丁開開心心!

        檢舉

        Madeline2009-07-30 19:40

        如果你識睇貓相就好喇! 多謝你喎!
      • 檢舉

        美是一種欣賞~雪琪 2009-07-26 23:25

        betty醫生真係幾信得過架

        之前我死左既囡囡都係睇左幾個vet..有間仲好出名.但係又係好衰

        仲唔醫我囡囡.拖到佢死左.

        可惜果陣唔知有betty醫生.依家有呢位vet...我都信任佢

        依家都真係要年年都搵佢同我成家d龍貓再body check一次先

         

        檢舉

        Madeline2009-07-27 00:02

        總之, 祝所有寵物健健康康!
      • 檢舉

        車厘 2009-07-26 22:47

        丁丁針灸駛唔駛麻醉呀？

        你誤會左，我係話唔係個個人都信針灸，就好似我老公唔係咁信中醫．

        檢舉

        Madeline2009-07-27 00:01

        我國咁優良既醫術點會唔信, 仲有, 我絕對認為天父所造每樣野都互相效力, 花花草草都有佢既用處, 所以中醫草藥同天然療法我信, 尤其內科一切奇難雜症, 西醫好傷身, 中醫就固本培元! 針灸唔駛麻醉! 你有無睇大長今, 針灸可以用來麻醉!

      • 檢舉

        車厘 2009-07-26 22:41

        咁有無話幾時再針呀？針灸呢樣野唔係人人都接受到，最緊要見貓地有好轉囉．

        丁丁肯食野就好啦！加油！

        檢舉

        Madeline2009-07-26 22:43

        我book左星期五, 接受唔到會點架?
      • 私人回應 檢舉

        這是私人回應
        檢舉

        這是私人回覆
      • 檢舉

        V太 2009-07-26 01:00

        我家風風都係近日確診咗, 第一個醫生無特別講係急性定慢, 基本上佢無乜實際資料俾我知道(除咗個TEST結果外), 第二個醫生話係先天性.......佢SHOW埋個X-RAY片我睇, 我都唔識睇。不過我都會試針灸, 希望大家的貓貓都健康活潑啦!
        檢舉

        Madeline2009-07-26 17:59

        希望佢地無咩痛苦! 你book左味? 你自己都要加油呀!
      • 私人回應 檢舉

        這是私人回應
        檢舉

        這是私人回覆
      • 檢舉

        吳太-「玲」感蛋糕 2009-07-25 23:18

        　我睇見丁丁個樣子真係好可愛，

        ｓｌｅｅｐ個樣都好甜，呢ｄ就係貓叫引人的地方！

        丁丁得到你的愛，好快冇事．．你都唔好太担心喇！

        檢舉

        Madeline2009-07-26 00:24

        宜家安心好多喇! 因為唔駛估估吓! 佢宜家好鐘意喱埋, 驚死我捉佢餵藥打針!
      新增回應

      • 如何才能明白你?

        網誌分類：mad貓貓 |
        圖片
        網誌日期：2009-07-22 23:30
        丁丁明天要見第三位醫生，並非媽媽的錢太多，只是前兩位醫生的診斷完全不同，打皮水的次數和份量又相差太遠，致令媽媽欠缺了信心，怕拖延太久或用錯方法都對丁丁造成傷害！ 丁丁在家表...
        回應(24) | 引用(0)

      • 香草芝味棒

        網誌分類：mad自家製 |
        圖片
        網誌日期：2009-07-18 23:37
                           近這兩星期, 因為丁丁的健康問題, 莫說是初哥的自家製, 較熟手的手工藝及...
        回應(2) | 引用(0)
        網誌標籤：芝味棒

      • 長期病患者

        網誌分類：mad貓貓 |
        圖片
        網誌日期：2009-07-18 22:43
        近日收到不少網友的鼓勵和支持, 我和丁丁都萬分感激! 眼所見丁丁的精神不錯, 唯尚未知實質的腎及胰臟指數。本來昨天返第二間診所覆診驗血, 誰知診所職員卻找不到我在現場做的預約紀錄。向醫...
        回應(15) | 引用(0)

      • 愛你/害你?

        網誌分類：mad貓貓 |
        圖片
        網誌日期：2009-07-12 01:06
        你住了五天醫院。醫生說你腎衰竭，本來預計吊鹽水三天，但你的腎指數只由高於1200回落到870，醫生說不夠理想，要多吊兩天。原定七月七日晚上才接你回家，好讓你多入幾小時的水份，可是上午竟...
        回應(30) | 引用(0)
        網誌標籤：貓貓

      統計資料

      編輯 關閉

      統計資料

      • 昨日人次：15
      • 累積人次：15959
      • 今日瀏覽：0
      • 累積瀏覽：55905
      • 網誌：422
      • 圖片：635
      • 回應：4034
       

      R H
      G S
      B V

      #