無國界醫生

         悉逢明天七月七日係無國界醫生日，小弟從街坊經濟學國度闡釋香港醫生當志願人員的意義。首先無國界醫生缺乏的係金錢而非醫療人手，所以志願醫療人員係供過於求﹝相反籌款人員就多多益善﹞，簡單嚟講即係你唔做仲有其他人爭住做。除非標基捐一百億美金畀無國界醫生喇，咁就要即刻嚟個全球大招募了。因為資源有限，一個香港醫生做咗志願人員，代表世界某角落的另一位醫生喪失了當志願人員的機會。香港醫生一個月起碼搵三萬，但印度或菲律賓醫生小弟諗一萬都畀多佢喇。從受助者角度看香港醫生定印度醫生醫佢根本冇分別，即係話香港醫生做志願人員係大大浪費緊佢的搵銀能力。所以小弟得出的結論係「香港醫生當志願人員並不偉大；留响香港醫人搵錢，然後攞大部分糧捐畀無國界醫生就真係功德無量喇。」

         當然不偉大唔代表不值得稱許，去果d既落後又有戰亂地方做義工猶如攞命博，小弟非常欣賞佢地這種捨己救人的精神。因為無私精神跟街坊經濟學的假設相違背，以小弟的有限知識就唔識解囉，讀者有興趣可睇吓經濟學家的論文找答案。至於將搵錢同自私扯上關係，小弟當年高考最叻都係得一個B，依d連諾貝爾獎得獎人都考起的問題，還是留番畀5A生王翎妍同學解答罷。