Erik's late night Bday BBQ!!

近3,4個月多野做到半死, 因為weekend都無放假, 日日落街食飯都經過樓下既97, 日子耐左, 同裡面做野既所有人由點頭招呼慢慢變say hi~! 到家陣都成為好朋友~! 上星期係佢地manager Erik既生日, 係咖啡灣搞BBQ late night大食會~! 無假放既日子, 難得有朋友生日, 一定要去吓, 平衡吓自己既生活ma!!

今次既壽星佬係成個Mafia甘款, 但其實sweet到不得了既Erik, 唔好以為佢個樣惡, 其實好好人~!! 佢地幾個係97做野既人成日問我點解早過佢地返工, 又遲過佢地走~!! 日日經過都問 "jobs done"?! 如果我話yes, 佢就會話"wow~!! come in! i treat you a guniess!!"

當晚佢特別準備左好多野食, 較好哂味既串燒....仲燒埋俾我地班聯合國食, 正呀~!!! 其實我地呢班聯合國都係佢工作上既customers, 即係都係日日做到無街去個D啦~! 日子耐左就變左朋友, 所以一坐埋一齊就係甘研究有咩旅行好地方, 邊度有好野食.... 其實去LKF既人都唔係個個有特別目的, 都可以認識到真正朋友架!!

(有目的都唔會約燒野食啦~~哈哈哈哈哈~~~~~!!! )

唔知點解, 成班聯合國夜媽媽走入咖啡灣沙灘燒野食, 居然令我惗起細個學校秋季大旅行...!! 我地一路燒野食一路研究大家係自己國家燒野食既方法,原來每度地方都有唔同架~!!! 剩係講燒D咩野食, 配咩野酒都講左成晚, 真係好開心呀~!!

可惜佢地放假既日子唔一樣, 當晚得Erik & Sanjeev, 如果Adi & Bowie都可以一齊玩就好咯~! 已經約左Adi & Bowie食大閘蟹 + gals talk night, 到時又可以有好野食咯~!!

Happy birthday Erik!!!! (下次唔知會唔會約行山呢.....?!)