網誌分類：Y之日誌 |
圖片
網誌日期：2009-03-25 18:07
本來好早醒左, 之但係醒一醒之後又訓過, 最後訓到成十二點先起身, 哈~ 今日我地既目的地會係鼎泰豐同Hello Kitty Sweet Cafe囉!! 呵~ 首先, 我地撘捷運去到忠孝復興站, 之後... 我地入左Sogo, 去左Food Court果陣, 嘩~ 好多野食都好似好吸引, 之但係, 我有我既目標, 吼~~ 穿左Sogo出黎之後亂咁行, 哈~ 我諗住憑我記憶, 睇下搵唔搵到間鼎泰豐, 點知... 失敗!! 越行越唔知點之制, 見到一個爸爸同一個仔仔... 終於我就拍一拍個爸爸, 問佢鼎泰豐係邊啦... 個爸爸好清晰咁話左比我知, 原來係0係對面間SOGO既B2~~ 丫~~ 唔該晒!! 原來咁易搵既地方有 =3=" 我仲咩要古人尋舊路呢... 噓!!
點解台北咁多Sogo架, 近近地都有三座, 搞錯... 仲要落到咁深... 好似B4!?!? 誇張!! 一去到... 嘩~ 好開心呀, 終於去到鼎泰豐喇~ yeah!! 都唔算好多人0者, ok呀~ 我地埋去欏位, 個姐姐非常好人同有禮貌, 佢話大慨等25分鐘, 比左張菜單我地諗定食咩~ ^0^" 呵!! 有好既services都特別開心既~ 我地就諗左食咩, 跟住係附近行下又坐下咁啦!! 好快就得咁差唔多到我地喇, 真係差不多25分鐘喎, 勁~ 仲有兩張檯到我地時, 個鼎泰豐姐姐就好醒咁走過黎問我地係唔係果個number, 仲幫我地複一次單同落定單添~ 最好笑我地叫左可樂, 佢問我地要杯定要飲筒, 我唔識聽... 佢同我講英文, 哈~ 呢D咪叫醒囉!!
至於叫左咩食就唔講咁多喇, 睇相吧啦~~ 呢一餐雖然唔係平, 但係我好滿意, 小籠包真係好好食, 同埋終於都完成左我要黎食鼎泰豐心願嘛!! 呵呵~ ^0^" 臨走再望多幾望D師父點樣整包, 哈~ 個個都做唔到既步驟!! 每個包裡面... 肉既份量都要磅過先包架~ 絕到唔會求其!! 抵佢出名~~ ^0^"
