網誌分類：Y之日誌 |
圖片
網誌日期：2009-03-04 12:30
天未光, 五點鐘就起身... 冇錯... 係五點鐘呀~~ 其實我都唔知咁早做乜!? 不過有人話預早D好喎... 算啦~!! 晨早流流, 淡妝四眼look算~五點半度出門口, 撘的士過市中心撘E33, 架車鬼咁快... 六點九去到機場喇~ @_________@" 會唔會早左少少呢!?!?? 由於我地一早已經係網上check in, 所以去撘機度print返個boarding pass出黎就搞掂!! 咁多時間, 落左去Burger King食早餐~ 食完早餐上返去行陣之後Dindin同佢friend就到喇~~ 入閘lu~~~~
入到去查呢樣查果樣真係煩, 不過有人仲煩呀~~ 首先要check ID card, passport果D, 有個人唔知點解可以check咁耐, 鬼咩... 有人ID card, passport 同而家個樣, 三個樣黎架~~ 之後check隨身行李, 本來過完就算架啦, D人又要欏佢部laptop再check, 仲不停講"只係抽樣險查0者" 又要抽正佢果部既~ 都未試過搞呢D搞咁耐, 搞到Din打比我以為我地去左邊... @___@" 好喇, 搞左一大輪, 搞掂之後終於可以向候機室進發... 好鬼遠... 終於到~ 等左陣終於可以上機lu~~~~
To be continued...
