活在當下

  係擒日，我做咗一件很好耐未做過嘅事.......見工！呢個係四月尾嘅決定，還好係決定後未回過塘。

  面對住未來09:30返到西貢，收工趕出銅鑼灣教舞到21:00，或到灣仔上堂到22:00，身邊都會有人問，''真係''....''好攰喎''....''做咩咁癲呀''.....等等。我都係答''條路要咁行''。冇錯，路未必係人行出嚟，而係早有安排，我只需係分岔口上簡單下個決定，起步後，我會同自己講''XXX，路係你自己揀嘅！''

  有時會發覺自己以往盤算太多，但世事點會由我揸fit呢？過去一年更話我知世事嘅無常。係呢刻，我只想珍惜現在所擁有嘅人、事、物。故事幾時開始、延續、終結、當中得失.....對我嚟講實在係博大精深嘅學問，諗到三兩估唔到一斤。

  當自己還錢俾人時，往往會諗，點解人哋爭我咁多錢都可以唔還，甚至偷我嘢都得！但世事就係咁，我仍然可以選擇做一個欠債還錢嘅人。

  活到三張幾，我仍然相信''公度自在人心''，未來親情、愛情、友情、工作嘅故事仍然可以好燦爛嘅！