又係我開咗個頭 (大約5%), 就放底咗N年, 媽咪剛剛完成既. 媽咪繡呢幅都繡咗好耐, 顏色好多, 淨係對返張顏色卡, 都睇到眼花啦!

自己既作品唔夠用, 只好將媽媽的作品都登出來充下場面啦, 都好靚架! 原本兩個都係我打算繡既, 見到好靚就想買來玩, 但十字繡呢樣野, 真係要好長時間, 所以每當我一放底佢, 就幾年都唔再掂啦...

又完成一個, 一日咋, 唔知係手快咗定係圖案簡單咗呢? 越繡越覺得好玩咁喎!

完成啦! 用咗三日來做既. 繡緊既時候, 老公已出聲, 叫我不如直接用佢件衫來繡圖案, 繡完佢可以著嘛! 老公真係我既超級粉絲啦, 我呢d 三腳貓手工, 都夠膽著出街, 等我考慮下點樣繡佢件衫啦!

還是基本針法, 上次係線條為主, 今次就係要填滿啦! 琴晚開始的, 做到呢到, 右眼已經累到開始有少少痛啦, 只好停手, 每日做少少啦! 所有手作都好鬼傷眼力, 得閒要買多d 藍莓補一補啦! 唔...

早幾日買的Cotton friend 裡面, 有介紹做印章, 我呢個百厭星又試玩啦! 照住書裡面其中一款來畫 (即係抄啦!), 佢特別既地方, 係外框一個, 裡面部份係另一個, 咁就可以做出唔同效果同顏色啦! ...

琴晚仲好地地係到整緊玫瑰花架，今日就病啦！ 大合照 近睇 鮮紅色和黃色係最後整既，好似有進步呵！（自我陶醉中.......) 有咁多個之後, 下一步可以諗下點樣用佢地啦!

刺繡玩落又幾好玩喎, 只係一開始繡, 就忘記時間, 到覺得累, 停手時, 就發覺已過了三小時, 眼又矇, 頸又痛, 手臂都緊緊地. 要練習下d 基本功, 用了兩晚才完成的. 呢塊布又可以整個袋仔啦!

都係玫瑰花, 要繡多幾個至可以記實d. 隨意繡咋, 都無劃定d 花既位置分佈, 奇奇怪怪咁囉. 好鍾意紫色呀, 紫色繡線仲係N年前買落既DMC線, 一d 都無變色, 仲好靚, 果然係好線!

見到開心小肥羊d 刺繡口金包咁靚, 今日望下望下個書櫃, 原來我都有刺繡書喎, 當初因為佢靚, 買返都未繡過, 耐咗就唔記得佢啦. 正好無所事事, 搵個簡單既來練習下, 玩下先. 本書係日文, d ...