生日旅遊

尋日岩岩結束一連四日既旅遊，特別鳴謝一班E幾日陪住我既人
排名不分先後，vivian志剛總有詎地一班好友，今次七星岩兼鼎湖山一
日遊真係另到我明白咩叫火箭旅行團，時間緊迫到吖~完全係無休息時間噶~七星岩公園~靚~可惜只有兩個半鐘時間俾我地系入面逗留~行左幾個景點唔夠就話要走~完全快過火箭，最離譜系入面有好多景點都係自費形式，超無奈之下都要俾錢睇，不過無辦法第二次去（點解話第二次呢~因為好細個去過一次~都係屋企人全包~所以輪到自己去咩都唔知）去旅遊都係盡量滿足自己既需求同埋玩得開心~所以當時唔多計較~但係返到黎之後~原來發覺自己每次都俾人搵笨~其實果D景點無咩好睇~我建議大家去既時候都係唔好睇~唔係既話實會後悔~鼎湖山總算OK~景色一流空氣清新~因為有氧氣吧之稱~不過遊覽時間又係快個火箭~鼎湖上面D鼎就埋埋地啦~不過個湖真係幾靚~可惜無機會近睇~只可以遠觀~慶雲寺香火好鼎盛~好多人~一個字~勁~我甘大個仔第一次見到甘多神~所以我就搏曬老命祈福~鑑於本人今年特別黑仔~所以比較專心祈求自己一切順風順水，由慶雲寺落黎既時候一路都好好空氣~雖然有D熱但係感覺非常舒服，同埋有好多樹牌介紹樹既品種~有棵樹特別勁（買關子先~想知道自己去睇），最刺激莫過於過小溪（又買關子先~自己去睇下就知道）講真其實一日真係玩唔曬噶~最好選擇自由人或者兩日團甘就唔洗俾D導遊迫你開火箭，講到食其實去親旅遊景點實俾人厄噶~不過呢~暫時黎講~我去過甘多地方~今次算平噶啦~10元三隻種~味道不過不失~D肥豬肉同D種融合得好好~牛雜蘿蔔就差啦~總收我5元一豌~其實今次無咩食地到野~最地到就係只種~走之前食佐餐飯都算唔錯~味道同價錢都叫好~兩個人先55元總打埋包~真係抵到爛~（其實總括黎講時間就真係唔夠用噶啦~總有好多小插曲，唔一一講出黎啦。但係真係開心~開心系我第一次同某人出去玩，開心睇到詎笑得開心，開心見到詎有返精神說說笑笑，每一秒流露出來既笑容都係真，我唔明世界上點解有人會見到另外一個人笑自己會莫明奇妙開心，我亦都唔會去考究，因為我知道只有你另我開心就足夠啦）
又大一歲，又老一歲，真係煩勞多又多，不過呢~開心一日~唔開心又一日，日子點都係要過，所以決定小說話多做事好過，甘快又走過人生中既第23年，希望自己比起以前更努力上進。 （加油吖某人，你都要努力吖~好快你就穩到工做噶啦~唔好頹廢吖~希望以後日子我地一樣中意八褂中意講人地壞話一樣每日講我地中意既是非同中意既事，老婆我愛你）