遇狼2

兩年前，有第一輯，估唔到兩年後有續集！希望唔使再有第三輯~~唔講得笑！

事源今晚有位朋友向我分享一段新聞，所以先想講返一個月前嘅續集，朋友同我分享嘅係觀塘嘅 撞胸阿叔 （點擊鏈接收看新聞片段）

其實相比起一個月前我遇到嘅，撞胸阿叔嘅手法都算舊喇！

當時好多人，前門同後門都多人到根本上唔到客，咁我就坐一上車嘅左手邊，橫排座位中嘅最靠車前門嗰度，有個男人就企我前面

因爲嗰日我著裙啦，開頭佢係將佢個袋放落我大髀度，後來我想用腳推開佢個袋，突然佢就企咗上嚟！因爲嗰度係我座位放腳嘅地方，好窄。所以佢企上嚟之後，佢隻腳同我對腳就好似梅花間竹咁，因爲佢唔高，我當時又坐住，所以佢嘅下體就啱好踫到我大髀！！

其實我都有示意過架，因爲佢企高咗，我條裙係方口領容易走光，所以我立即手放喺心口，同埋怒啤過幾次，但佢完全當冇事囖！！
部車又開到窒窒下，佢簡直就好似玩緊某品牌嘅騎馬機咁=_=
當時又人多到，前門同後面都上唔到客，我連起身都難，如果唔係我寧願唔坐都起身，但根本唔可能囖~

我又唔敢出聲話佢，一來怕誤會咗人，二來通常遇到呢D事都好少人會出聲，通常都係自己行開嘅比較多，因爲怕事同惹麻煩啊嘛！！！

之前遇到過嘅都係用下體頂PET PET多，但呢次呢個手法都幾新下，所以奉勸各位女士自己小心及提高警惕喇，當然如果喺香港發生就應該大嗌啦！

                                                                                               THE END