怯

怯 ... 開始鍾意係呢度寫 blog, 因為冇朋友連結, 可以把自己既心事寫底而冇顧忌.

喜歡 ... 最近有人問自己係唔係一個好容易喜歡人既人, 我答係, 當然我都要對個個人有好感, 傾到下計我先會喜歡. 最近有一個"他"出現, 我相信佢對我有好感, 而我都係, 不過我知呢個好感喜歡關係已經結束. 個問題應該係我. 我真係唔識點同我喜歡既人相處, 當我諗我有機會同佢一齊, 我個腦就會好自然亂諗野, 我怕受傷害, 怕再俾人呃, 對自己冇信心, 疑心重, 試問邊會有男仔喜歡一個咁既女仔 ... 所以呢個關係只維持一個星期.

已經過去左兩年, 以為自己可以企返起身, 忘記左唔開心既記憶, 點知原來當自己想再有一段關係既時候, 所有唔開心既記憶出晒黎, 我唔知我可以點做, 唔通呢一世我都係得一個人過? 我真係好唔想, 我好想有人愛, 有人錫, 不過我再係成日胡思亂想, 都唔會有人愛.

當一班朋友出去玩既時間, 我都係一個多野講, 成日哈哈笑, 仲俾人覺得我好樂觀既人. 但單獨對住自己喜歡既人, 我就會靜晒同成日亂諗野而令到自己同佢都唔開心. 唉, 好怯 ... 好灰 ...