what the........

近來都唔知行咩衰運...一個月前揸電單車...因為個網扎得唔好...個車冚飛鬼走左....之後又買返一個....一個車冚都要2百幾蚊.....貴就唔係話貴...不過唔值囉~因為果d料真係麻麻.......之後如是者到左前幾日......食完野準備返工.....將個車冚褶得好細擺o係車尾個架....懶係好整齊咁.......但咁就出事啦~車尾個架個虛位較大....就係咁揸揸下車又跌鬼左走啦~.......又兩夠水......又要去買返一個新既...雖然幾百蚊唔貴...但感覺真係唔好...好唔抵囉~無啦啦...跌左錢咁...食左都冇咁嬲呀~......咁但係都冇計啦...唔買返個冚又唔得...因為又曬...又落雨...對架車唔太好~而且好大塵...廢事成日抹啦~.....不過惡夢仍然未過...買完過冚既第一日....就比條死氣喉棘穿左個窿~...噢~好赤呀.....又唔見錢...而家新買返黎又整爛......what the fxxk!!!!

另外....早前都有講過...好多越南仔偷渡黎香港...一係操野...二係睇病.....前日遇到一個極品.....收到話要我同幾個拍檔帶兩個越南仔去睇醫生...一個自稱有愛滋...一個就話有肺勞加愛滋......雖然十個有九個都係咁講...但其實大多都無咁嚴重...吹水去睇醫生或睇其他病姐....本身我都冇帶口罩....但一見到佢地...即刻都帶返個口罩同手套先~佢地兩隻野死死下咁訓o係個地下....d皮膚有d爛爛地咁..唔知生咩...之後帶到醫院仲係咁咳....嘩~好似好堅喎~即刻轉返個N95先.....最後照x光....醫生話佢個肺花晒...有可能係....而且個越南仔同翻譯講...之前幾個月發覺自己好瘦...之後去睇醫生...知道有肺勞同愛滋...食左幾個月藥架啦.....睇黎真係冇吹水....最後條友要留院...仲要住高度傳染病病房.....真係一層層玻璃門...都唔知過左幾多重呀...最後先到病房.....病房都係隔離既...又有大玻璃門常關.....防守深嚴........不過好驚自己賴野...因為話晒都同佢有近距離接觸....而且早前係無帶N95....如果係肺勞....真係頂唔住架...好想成個人浸去d滴露消毒下先.........