小手術~

上星期除了因為司徒姊妹嘅離開令我有點down, 沒心情寫blog外; 亦因為星期四8/21要去做一個小手術!

大家不用替我担心! 見我呢幾日又活躍番就知我冇事啦!

呢個小手術plan咗兩個月的了... 話係小手術, 不過要全身麻醉, 所以唔知自己做完手術後會點架...

話說年頭見自己下巴底下粒'火核'不斷變大(好幾年前已發現呢個位置有粒嘢. 果時唔想花錢做化驗<如果結果冇嘢的話就浪費$$>), 又聽契媽話呢粒應該係'火核', 走去飲咗幾劑涼茶見'佢'細番後就不了了之... (千祈不要學我呀! 病向淺中醫啊!)

心裡覺得唔妥, 於是6月去睇醫生. 再轉介我去睇專科醫生!

專科醫生話我呢個係一個良性'水瘤', 從幾年前發現至現在開始脹大而已...

不幸中之大幸的是, 照完超聲波後, 呢個水瘤沒有連繫到任何組織(包括他較担心的淋巴腺), 所以做一個小手術割除便可以了(不會再生)! 但要全身麻醉!

近來工作不是太忙, 可以安心走開一吓, 向公司請兩天病假去醫院了!

約了星期四10點入院(早上7,8點吃了早餐後就要空肚了)，3點做手術，5點多可完成．

前一晚很晚才去瞓（唔係緊張啊）, 攪到第二朝唔想起身咁... 遲咗成兩個鐘頭至去到醫院, 連早餐都冇食!

上到病房12點半左右, 先做一輪入院要做嘅手續 : 俾小便sample驗, 量血壓, 填手術同意書... 跟住無無聊聊咁睇電視(奧運)等時間, 一陣又俾姑娘抽咗兩支血去驗...

手術前一小時, 換了手術衫褲, 然後食咗一粒藥for防手術時出現什麼敏感症狀...

3點鐘俾工作人員推去手術室... 等咗45分鐘醫生至嚟(之前有個麻醉師嚟過打招呼,好彩我鬼死咁倦, 係咁瞓, 唔理醫生幾時嚟...)

入到手術室, 心情就少少緊張唶... 跟住俾麻醉師落藥, 然後就嘜事都唔知lur~

出手術室上房前俾姑娘拍醒(但對眼係冇打開過架, 成個人仲係'溫溫等等'啊...), 話我知手術做完喇! 依家5:00pm同會推我上房休息~

上到房後瞓到成7:20pm至開始醒(麻醉藥慢慢過...), 一輪SMS話俾教會,家人&朋友知我冇事... 再瞓到8點幾, 好姊妹 - 露露公主, 阿四同披頭四嚟探我!

不過我仲係模模糊糊(麻醉藥仲未過晒...), , 她們又未食飯, 所以叫她們去吃飯, 順道買東西我吃就可以了! 跟住我又瞓到死咗咁.....

成10點醒咗, 見友人女主角嚟咗(上完堂), 跟住班姊妹回來了! 帶咗一碗'皮蛋瘦肉粥'我吃, 再附加吞拿魚麵包&合味道杯麵各一俾我back up.... 感動!

因為探病有時限 -> 至10點, 所以班姊妹要走了!

慢慢'歎'完碗粥已經成11點(食咗差不多一個鐘!), 跟住一邊聽住收音機(鸚鵡颱風殺到嚟啊!), 一邊同周公子約會去.....

半夜醒咗幾次(因為瞓得太多...)鸚鵡今次好堅, 天文台一早掛咗8號風球!

斷斷續續咁拖到7點幾, 起身梳洗, 8點就落樓去星巴克食早餐(哎... 食咗蛋tim)!!

點知果時miss咗醫生嚟巡房...  (哎... 唔關我事喎! 醫生尋晚同我講佢早上有手術做, 下午至嚟睇我架...所以要俾多晚房錢<因為截數係每日12:00pm>! 佢仲走去canteen搵我, 不過我唔响果度啊... sorry~)

因為鸚鵡太厲害喇! 升級到9號波!!  又已經多俾一日房錢(過咗12:00pm), 叫屋企人同朋友不用探&接我了! 讓我在醫院多待一天!

果日真係瞓到腰骨痛!! 成日冇嘢做, 同隔離床個auntie傾吓計... 瞓吓覺, 睇吓奧運... 又到晚黑10點關燈瞓覺嘅時間了~

覺真係瞓唔到咁多... 手提電話聽收音機都聽到冇電(要charge電)...

無聊冇嘢做之際, 見自己隻手掛住咁多嘢(冇幾可)... 影低先!

上面右手係入手術室落麻醉藥時整的! 跟住上到房姑娘又打咗一次藥... 跟住我就要求姑娘拆走(阻住我活動, 又容易唔小心整親...痛)!

左手就掛住呢個'病人'牌! 包冇走失~

第二朝早早聽到收音機話鸚鵡遠離我哋, 改掛三號風球lur!

我床係window位, 可以周圍睇... 見到對面原來係'城浸'!!

經過醫生早上11點多巡房後就confirm我可以出院了!

搞完一輪出院手續 : 等會計部出invoice, 然後落去counter俾$$, 再同姑娘核對身份+攞藥+病假紙, 就坐taxi返屋企lur~

為免引起大家不安! 用上圖畫表達~

呢粒'荔枝核'咁大嘅就係在我下巴裡的水瘤了~

Size都唔細 :2.6cm 闊 x1.7cm 高, 寄居係我身上8年... 都咪話唔大件事!  (千祈不要學我呀! 病向淺中醫啊!)

不過感謝教會弟兄姊妹為我祈禱, 讓我一切順利經過~

「我們曉得萬事都互相效力，叫愛神的人得益處。」

（羅馬書八章廿八節）