東京之旅DAY 1 (PART I) ~

DAY 1 - 4/30 (四) , 天氣 晴

今次去東京主要是參加姪女Shermine 5/3(日)的婚禮, 順道去玩!

第一次去日本, 超級期待!!

多得友人幫忙, 訂了玩到盡7天機票: 4/30號凌晨00:45am去東京(=4/30, 05:45am到達東京), 5/6號黃昏機20:45pm返港(=5/7號凌晨00:45am到港)...

最後結果係整個人成天倦到暈(唔夠瞓嘛)!!  

要抖幾日(狂瞓)至慢慢恢復精神呢, 下次真係唔好玩咁盡...

好喇! 開始同大家分享吓第一天行程先!

香港國際機場-> 羽田機場-> 新宿酒店-> 築地-> 明治神宮前-> 原宿

29號上班後回家最後執拾, 晚上十一點左右到達機場check in...

然後去Burger King食個晚餐至去'出境'~

P.S. 呢個時候機場唔係好多餐廳有開(多關店了),

呢個蘑菇飽超貴(成$33-$35/個), 加埋杯咖啡, 合共$6x... (肉赤ing) 

香港去東京羽田機場要四個小時(另多加一個小時時差, 共需五個鐘了!),

原先打算在機睡飽一覺, 咁到達東京後, 可以有精神盡情去玩啦!

怎知今次座位是靠飛機尾部, 起飛後, 機倉內很嘈吵(機翼引擎超嘈)...

另加上一位男乘客免費提供的'交響樂' -> 鼻寒...

結果睡得不好...

半夜三點多, 空姐提供的'飛機早餐'!

胃口ok, 只食剩一個牛角飽...

然後不到一個小時到達東京羽田機場lur~

入境最花時間是體溫檢查... 另counter又唔多(只有8個),

故需花半個小時才成功'入境'...

不過ok啦! 依家'豬流感'咁厲害...

另估唔到呢個羽田機埸超細(稍後再解釋), 但無損我嘅興奮心情!!

東京! 我嚟喇!

在機場information counter, 查問了如何搭車會合姪女;

然後搭上呢架3號免費suttle bus 去轉車...

幸好途中與姪女電話溝通過(她誤會了我班機是在成田, 不知是羽田),

後來改搭火車去'品川'會合她!

時間尚早: 當地6:45am, 火車站平台唔係好多人...

呢個行李喼令我又驚又倦(不是喜啊!!), 因為香港check in時, 它已經有17.8kg!!

當時我也嚇一跳(可能是推/拉它, 不覺是這麼重...),

然後問空姐回程max. 重量接受是多少?

空姐回答: 20kg.

那豈不是代表我只有2kg物品可以放進去??

行李超重的話是需付HK$220(每1 kg計)!! 當堂心情大跌...

幸好之前同事提我多備一個手提旅行袋, 以作hand carry行李上機之用,

那應可以解決行李會超重問題吧?! 唔理咁多先, 好好享受我的7天假期!

車廂幾大同乾淨~

於'品川'會合姪女後, 再轉乘JR到我將住6天位於新宿的HOTEL,

然後放下行李, 開始出發去玩囉!

出發去第一站: 築地!

呢個係所有自由行遊客必然去的地方,

因為有好便宜又靚的魚生食;

當然亦係我no.1 要去的地方啦!

啲海鮮好新鮮啊...

另外日本人亦喜愛吃醃製食品呢...

呵呵~ 日本芥辣wasabi真身!

日本人喜愛吃的一種生果 : 柚子~

到達築地已是九點幾, 肚子餓了!

於是去一間賣相唔錯的店舖食早餐...

我選了呢個'特上刺身定食'~  

材料好豐富啊! 啲刺身啖啖肉又新鮮!

海胆唔腥喎... 好正啊!

姪女就order了這個'特天x',

全部都是炸物, 但樣樣材料不同的,

淨食它已經好飽... 啲飯都食唔晒~

日本便利店內不同種類的飲品已經令我眼花...

好吸引呢...

好想繼續食, 耐何我係一個小食多餐的人; 不能一次食太多嘢...

只好留待下次啦! 等我呀... 我會再嚟!!

~ 待續 PART II ~