網誌分類：未分類 |
又飛左轉大陸返來, 3日坐左5次飛機, 真係比死更難受...
尤其係坐內陸機, 多數都係d唔知咩四川航空, 南方航空咁..架機又細好似好唔穩陣咁..
一遇到氣流真係嚇到死, 唔知以為自己玩緊過山車!!!
今次去左幾個地方, 成都我去過好多次, 城市規劃愈來愈發達, 但始終都習慣唔到d勁麻辣又勁油嘅四川菜囉..
北京就好好多, 但就太乾燥啦, 飲水唔夠2秒又口乾, handcream, body lotion, 潤唇膏...搽完又補搽完又補, 冇返3 5 6 7支喺身就死得啦!!
長春我就第一次去, 比我想像中先進, d人好鬼熱情, 男男女女食飯都會飲酒, 仲好興敬來敬去, 唔飲又怕冇禮貌, 唯有死頂啦!!! 不過有個好意外嘅收穫, 到達長春當晚竟然 "落雪" !!! 4月中都有雪落當地人都話好似從未試過囉, 我地因為坐緊車, 初初望住窗外面仲以為落緊雨, 但愈望愈唔對路, 於是就開口問司機先生先知真係落緊雪, 講真.. 我本來真係好興奮架, 今次係我人生第一次見到落雪喎, 之前去過北海渡同NY都冇遇過呀! 但醒起自己身在大陸[長春]... 咩鬼野浪漫興奮都冇哂啦.... 相都費事影呀~~~~~ ><"
chemistry_freako 2006-05-12 13:29
~MaGgiE~ 2006-04-26 01:06
hahaaa...我都有同自己講唔算呀~~~~~ 好白痴呀^^ 你有鄭輝都好啦, 好過一個人嘛~ haha!
abby 2006-04-25 15:29
我第一次見落雪...亦是在上海...不過..我唔太肯定是否真的是雪...於是我同自己講呢次唔算..
另一次真正落雪是在東京..而且是大除夕..那是一場相隔了廿幾年的大除夕之雪...
原本心情好興奮...可惜一轉頭看到旁邊的是鄭輝...心情即如雪般冰冷..