拜完山回來了~~~~

昨日終於係清遠回來，還有兩天的假期，終於可以繼續寫下BLOG，就寫下我返去做過0的乜啦！

一到步就已經即刻去買齊拜山既野，去到我一個類似街市既地方，感覺是非常污糟，滿地垃圾，污水，行果時都要慢慢行，因為真係好驚會PK，買完之後去左一間餐館食飯，0的飯菜都OK架，好可惜食完先記得影相，唉~~~~~

跟住就去左墳場度拜山，其實那次是我第一去，環境真係好正，因為要尊重先人，我都係無影相。^^

到左回去親戚家食完飯之後，諗住出去行下同埋搵節目，點知最後同一班親戚食飲茶，去到其中一個仲要攞左支唔知係乜野既藥材酒(我只係知度酒精起碼有四十幾度)，不停要我同我細佬飲，我同細佬都好俾面咁飲左兩杯，但係果位人兄仲不停要我地再飲(好明顯佢已經醉左)，又話唔飲呢支就要飲十支啤酒，果刻成枱人都好無奈，因為佢講野好大聲，有一個終於頂佢唔順走左，跟住果位人兄發晒惡又罵、又喊、又拍枱、又跪！攪到個氣氛好怪，最後大家攪左好耐先走得！唉~~~~我發誓以後返去都唔會搵呢個人出黎！(猶其是明知佢之前已經飲左酒)

最後攪到乜都無做過就返左深圳，好彩我同我細佬都有去食下飯，行下街先返香港，如果唔係就真係唔抵勒！

鄉下的田(其實已經好少人會種野，好多田都荒廢左)

感情很要好的狗及貓(都唔知係感情好定唔好，一時就會一齊玩，但係有時就會打交)