Hello~我是一個全職媽媽, 曾經做過設計師, 一年多前生左個寶貝仔後, 決定放棄工作, 在家做全職湊仔婆. 不經不覺都做了13個月有多, 當中真的有淚有汗, 因為自問以前對湊仔從無概念, 想起當初根本沒信心自己可以一手一腳湊大個仔, 經常手忙腳亂兼迷茫, 有時真係會攬住個仔一齊哭起來. 不過多得老公的支持以及身邊的媽媽朋友教路, 總算可以做到見招拆招, 湊到個仔肥肥白白. 可以陪住個仔成長, 即使放棄了事業我都覺得好值得. 現在, 最辛苦的階段總算過了. 終於有少少時間可以做自己喜歡做的事,其中一件就是我的最大興趣-"玩手作仔."我係一個好喜歡玩手工藝的人, 織衫, 鈎公仔, 布藝, 不織布, 手工皂...真的可以話只要一有少少時間, 我就會拿出我的工具, 埋頭苦幹地做. 而自從有了阿仔後, 我的興趣亦圍繞著他, 鈎玩具給他, 做衫給他...好多朋友都叫我不如開一間手工藝店開班教人兼賣自己的作品, 但說實在的, 現在階段我要照顧寶貝仔, 那有時間去打理一間店舖. 眼見現在好多全職媽媽都會開個blog舖售賣嬰兒服, 可以一面照顧自己仔女, 又可以賺番少少錢, 我想這是每一個做媽媽的心願, 因此我都加入這個行列~售賣我的手工藝作品, 除了因為興趣外亦很想可以用自己能力賺番少少錢比寶貝仔, 亦希望可以用我的手藝帶一點歡樂給每個bb.
各位~多多指教! 05-2009
