PEARL-PEARL LAND

走進PEARL-PEARL LAND, 齊分享我的內心世界~

賢之暢所欲言,歡迎你都留個言^^

婚FUN記趣.....NO.1

網誌分類："賢"之有你 |

網誌日期：2008-09-30 17:13

今日專登請假一天去做美國簽證,事前你準備所有表格,到大新銀行交費,參考填表要注意事項,同我一齊去影證件相.....到前一晚整理好所有文件重用公文袋入好,我又好似乜都唔理咁,其實我係成個過程見到你好認真,而不只辦理美國簽證這一個環節......見到你係籌辦結婚的各個事項都咁認真,我真係好開心而且好放心,有好多野都交由你去處理,講真由初時話結婚都好擔心自己選擇錯,雖然我地相處左差唔多十年,你對我好好,但始終結婚係人生大事ma.依家看見眼前有擔帶的你,haha你又給了我一枝強心針,之前的憂慮巳經冇晒lu~

今日你好擔心如果唔批簽證既話又要申請BNO....但我可能根本唔知道申請美國簽證有幾麻煩,所以心情和你相反,一D都唔緊張.

我地一早起身食完早餐,搭MTR去到金鐘再轉TAXI到美國領事館,咁大個女都係第一次,首先比門口的保安員搜袋,再排隊交Form,所需文件齊晒全靠有你

,之後拎住A61號籌穿過大門,入到去由第二個保安員再搜袋並交出手提電話,通知電子測試儀....終於入到大堂坐低.當到我地既籌號,走到第一個COUNTER留指紋,左四隻右四隻再加兩隻大拇指.....完作後返埋位再等.....又係我地既籌號,今次我地走到第五個COUNTER,見到一個好HANDSOM既美國官員,佢問左我地幾條問題,最後佢重同我地講"Congralution",並比左兩張藍色咭我地....依兩張藍色咭係代表申請成功!!你終於鬆左口氣....過三日左右就會連同PASSPORT寄返比我地lu....跟住我地輕輕鬆鬆穿過香港公園....行左一陣Sebu....跟住返屋企抖陣又再出發...
我地去左"眼鏡88",因為我要買Coulur Contact Lenses...由於我從未戴過所以要驗眼睇下適唔適合戴,而且要學戴....過程好順利,個視光師都話我勁,因為唔伯而且大膽,好快巳經學成啦~下一站銅鑼灣"意域"....你要試禮服....栽縫師傅將初步栽好的禮服叫你試穿,你著完出黎頓覺你好Smart呀~可能同你平時個Look太大對比

,而且又"庶"住左你個大肚Dum....佢地好細心咁再幫你睇下有乜地方要修改,真係好專業.所以毫不柔疑咁訂造埋恤衫啦~又不得不讚你的功勞,全夠你係討論區睇下人地既意見,揾到一間咁好既店舖.....
跟住我地再轉去"forgot mr not"改Bustlier,第二次上去個SALES仍然咁nice,果然"盈集坊"冇介紹錯,依度買歐洲品牌既內衣,D質料好正........所以我又買多一件添.....

         黎緊重有好多野做...又未買鞋....未訂機票酒店....濕濕碎碎.....時間越近,行程越緊密.........
6-10-08   到"新天地"揀衫影相....到"意域"取恤衫.....到"forgot mr not"取Bustlier....
8-10-08   到"新天地"影相
13-10-08    到"盈集坊"FITTING婚紗
                                                                                    婚FUN記趣NO.2 , 3 ,4 ..............待續

引用(0)

知多一點：

共1個回應