講完影相.....我想講既就係......都唔記得係邊一日發生lu,係你送我返屋企時,我地都有d唔開心,可能我自己衰一心等你策劃,好多野都唔埋唔埋.....而我知你花左好多心思去搜羅好多好多關島既資料;預算黎緊要花費既事項和將要籌備既事,而你問我我就乜都唔知,最過份的我連自己坐乜野航空公司都唔知.....終於你都忍唔住啦..... 你同我講:你冇意見我安排左又唔知你鍾唔鍾意,我都覺得有壓力,根本你有好多野都唔知!!!"係呀,依個我承認,我乜都指意晒你作主間中比下意見,心諗你會安排好一切....但聽到你講到有壓力時,我覺得自己好內疚......果晚我地坐係我屋企樓下既公園傾左好耐,你有些擔心既地方,但原來你一直冇同我講,你對我好唔想我有所顧慮,而這些問題我從來都冇諗過......就係依一晚我地傾左好多野....講到我自己都忍唔住喊.....我真係覺得你對我的好,我心知也感覺到,對我比起對你自己還要好,雖然偶爾也會脾氣壞,但這就是你的真本性....我真的多謝你悉心安排這一切,我從未想過自己可以係一個咁靚既地方結婚,日子越近心情越緊張,間中都會訓得唔好,但好期待12月10日同你一齊步進360度全海景的教堂,撓著你的手走到神父面前說一聲:" I DO".....雖然沒有親朋好友見證同分享我地既喜悅,但我身邊有你便足夠 成日都叫我"老婆,老婆"...我都話未係呀.........到個日你終於都可以如願以償,你再叫我"老婆,老婆"...我會應你一聲"係"了
章可Be 2008-12-03 00:18
嘩! 我都忍唔住想話妳呀, 有冇搞錯呀, 連自己搭乜嘢機都唔知, 真係過份咗呀!!!!!
係妳老公先搞得妳掂, 妳都應該放返多啲心機同時間係自己咁難得又重要既婚禮上面啦, 返工就乜都理, 自己咁重要既嘢就乜都唔知, 唔理!! 係老死先鬧妳咋~
珍惜呀~
Kennis 2008-12-02 10:00
關島結婚, so sweet啊!!!
雖然沒有親友的祝賀, 可是擁有一個兩人都非常難忘的婚禮, 也是一個很美好的回憶!!!
恭喜晒!!!