婚FUN記趣....NO.6

         經過2個小時後,到左關島機場巳經係凌晨4:00,關島比香港快2個鐘,所以到步既時候我好累,烏下烏下咁......因為未訓醒MA
         一到步一路行,行到個美國關員前面,佢黑黑實實而且條頸上面有一個好鮮色的紋身,我地出示左證件之後,叫我地做同取簽證一樣的程序,留指紋-左四隻右四隻再加兩隻大拇指,之後再望下個鏡頭就OK....都唔記得佢有冇問我問題LU...跟住我地到下層拎行理,等齊行李之後又要去到另一個關員前,佢問左幾條問題就步出左機場啦~
         一出到去就見到有一個男人行前問我地係咪黃生,文小姐呢...佢就係負責接送我地既人---亞TIM,佢話未齊人叫我地等一等,原來同我地一齊轉機既四個男仔同埋一PAIR情侶都係由佢地接送,而且我地住埋同一間酒店.....等齊人我地上車,見到個人都未光,四周都黑漆漆,冇香港咁多燈光,而且好寧靜,話咁快我地巳經到左酒店,得我地兩個冇加錢做EARLY CHECK-IN ,不過亞TIM都好好可以幫我地攞到房...
         我地間房間係609,之前一早巳經要求要KING SIZE床,但點之入到去見到兩張隻人床拍埋一齊成為一張"SUPER KING SIZE BED"....成個人巳經好攰,見到張床巳經好想訓...但將D衫巳部掛起先,之後就要爭取時間訓,因為三鐘之後要起身........
        大約7:30,好唔願意起身,你打開個窗簾係咁叫我起身睇下......嘩,一望出去藍天大海椰樹,精神為之一掁.....快速起身梳洗換衫到酒店食早餐,可能關島多日本人既關係,早餐既野食都好多元化...但其實我係想飲水多D...係飛機飲過一少杯之後都冇飲過水LU.....非常口渴
       食飽飽之後,到LOBBY 等結婚公司既工作人員接我地去做結婚證書,等左成5 分鐘都未見人,見到另外一PAIR情侶落埋黎....原來佢地都同我地一日同一個教堂但早我地一個時段結婚...我地等等等,等到佢地食埋早餐....大半個鐘後都未見有人黎接我地,跟住打電話比個工作人員-JANE又唔通又留言,最後佢覆我地同香港SAMMY講改左下午1:00....嘩早知係咁訓多陣好過.....不過JANE佢立刻揸車過黎接我地辦結婚證書
        到左差唔多10:00,終於見到佢啦...佢先帶我地去到一間郵政局填寫FORM叫我地對清楚資料簽名,之後再轉到一間政府部門派籌等做證件....個度有好多當地人,原來佢地出世,死亡,結婚,睇醫生都係一個COUNTER做登記,加上12月8日係佢地既假期,所以就更加人山人海.... 我地都等左成個幾鐘而且打尖先有咁快...因為之前都有2對香港人都係度等緊....關島既當地人做野好HEA而且打文件會錯都可以出街...HAHA,所以JANE叫我地對清楚,因為依D資料會落在正本既結婚證書....對好資料,我地係美國旗前舉起手宣誓就完成了......好簡單......
         之後返去酒店,食左杯雪糕亞TIM巳經黎接我地去半日遊....呵呵 ...佢一路揸車一路帶我地去到唔同既景點,四圍都好大風呀....吹到個頭成個傻婆咁, 根本就影唔到相....最後我地去左K MART買水,同埋個PIZZA 包充飢....巳經係下午4:30...同日返酒店巳經安排左之後既活動啦 
          到左夜晚,我地行到去ROYAL ORICHID食墨魚麵,個碗大大成團黑麻麻咁,但味道確一流,而且份量足以四人食添呀,依家諗起都好想食....食飽飽之後我地係附近行下,個度冇乜夜生活,9:00後四周圍都好靜......跟住就買左一星期既LAM LAM BUS車票為US $15,第一次坐LAM LAM BUS返酒店休息....
         因為第二日巳經行禮.....要抖足精神