PEARL-PEARL LAND

走進PEARL-PEARL LAND, 齊分享我的內心世界~

hi.....

留言

我在E5-21的日子 (II)

網誌分類：自"賢"自語 |

網誌日期：2009-06-12 12:02

第二日既中午有醫護人員再次推輪椅帶我去做心臟超聲波,主診醫生同心臟專科醫生,左照又照一輪,話我心臟正常,因為起初按我既脈搏好弱,擔心我係大動脈收縮引致血壓高.唔關心臟事我都放心D

望下雨景,打下機,聽下歌,瞓下覺....見到病人進進出出醫院,醫護人員忙到甩碌...非常漫長.終於到左探左探病時間,你,家姐,亞媽,瑜女姨,琼姨黎探我,你地又買士多啤梨,蘋果汁,葡萄適,橙,梨,'"美味捧"飽飽,重有未來奶奶既芫茜湯,嘩...咁多點食得晒呢

咁多人黎探我,但每次都只可以2個人,我同護士講要出去LIFT大堂,佢唯有再幫我量血壓,自己又唔爭氣上下壓都高,坐一陣再量都高,起初佢唔比我出去,但我話有好多人黎探我,佢先放我一馬

,7:00出左去傾到8:00好開心呀!! 但返到病房又得一人,好靜好悶......由於我個身貼左心電圖機,佢地唔比我沖涼,只可抺身,真係好難頂呀
所以第三日一早起身見到護士,立即問佢可唔可比我去沖涼,返黎先幫我再貼過部心電圖機呢!!當佢話可以既時候,我即係拎整所有野,推埋鹽水架去廁所浴室進發,雖然過程有D輪盡,但我從未試過咁ENJOY沖涼的一刻,沖完之後成個人爽晒,正!正!!正!!!但可能我沖涼既時候吊鹽水既手提得太高,攪到d血水走到去半條管咁長,好核突呀!!!

最後要麻煩護士幫我沖一沖絛喉管......之後一直等醫生黎,心諗留小便至到下午2:00會唔會可以出院呢....oh.見到醫生灰晒,今日係星期日我個主診醫生唔返之外,護士又要我留多一樽24小時小便,咁咪要到星期一2:00......

,真痛苦喔!!!
終於都到星期一,我既希望又再次來臨,見到我個主診醫生----周志鵬,佢好後生應該同我年紀相若,佢話我可以比你出院,但最終都由腎科醫生下午睇完你先決定,因為你咁後生,腎功能冇可能咁差,雖然依幾日都有進步,咁你休息下!!50/50 一係出一係留,唉....又要再等,終於等到啦.....嘩!!!

   咁大陣仗有成6個醫生一齊黎,又係左問右問...之後話等你情況穏定d先可出院,又話疑我慢性腎炎,要同你做腎超聲波,而且可能要抽組織.....又一個惡號!!! 好擔心呀.....咁嚴重既????....個腎有事好麻煩架.......|
        下晝既時候,中大既護士長帶領學員黎實習,佢問起我咩事,我一五一十咁話比佢知,佢叫我自己小心,要早d生BB,因為孕婦有妊娠毒血症好麻煩,生BB會有性命危險,何況我有血壓高....要PLAN好同醫生商量,返黎檢查同係返黎東區生......我一講完比你聽,你即刻話唔生領養,但其實我知你好鍾意囡囡,我都想同你有我地既小朋友.
        探病時間過後,悶到瘋左....行去睇下電視,唔夠5分鐘又叫我返房,原來腎科醫生黎同我做超聲波,我一路擔心抽組織,等佢做完超聲波我即刻問,係要點抽組織架???佢同我講:暫時唔同你講依樣野住,頭先幫你做超聲波發覺你個腎一邊大一邊細,唔知係你天生定係高血壓影響左,至於抽組織係一邊做超聲波對啱位置打支針落去抽,但下一步點做我都要同其他醫生商量先得.....

引用(0)

知多一點：

共1個回應